रेडियो प्रसारक संस्थाहरूले संगीतकार तथा रोयल्टी संकलन समाजका अध्यक्ष सुरेश अधिकारीको सिर्जनामाथिको प्रतिबन्ध फिर्ता लिएका छन् । 

रेडियो ब्रोडकास्टर्स फोरम नेपाल, ब्रोडकास्टिङ एसोसिएसन अफ नेपाल र सामुदायिक रेडियो प्रसारक संघले मंगलवार संयुक्त प्रेस विज्ञप्ति जारी गर्दै अधिकारीको सृजनालाई प्रतिबन्ध लगाउने यसअघिको निर्णयलाई फिर्ता लिएको जनाएका हुन् । 

संगीतकार अधिकारीले केही दिन अगाडि रेडियोहरूलाई आफूले लगाएको आरोप र गालीको विषयमा माफी माग्दै स्वतन्त्र रेडियो अभियानप्रति ऐक्यबद्धता जनाएका थिए । 

‘यसका लागि उहाँप्रति सम्मान भाव प्रकट गर्दै संगीत रोयल्टी संकलन तथा वितरणलाई व्यवस्थित एवं पारदर्शी रुपमा अघि बढाउने कार्यमा सहकार्य गर्न आह्वान गर्दछौं’ विज्ञप्तीमा अगाडि भनिएको छ ‘साथै, साउन ४ गतेको बैठकबाट गरिएको संगीतकार अधिकारीका सिर्जना प्रसारण गर्न नसकिने भन्ने निर्णय आजैबाट फिर्ता लिएका छौँ ।’