पाल्पामा १२ वर्षीया बालिकालाई बलात्कार गरेको आरोपमा एक जना पक्राउ परेका छन् ।

पक्राउ पर्नेमा रम्भा गाउँपालिका २ का ४८ वर्षीय अम्बरबहादुर सारू छन् ।

उनलाई शुक्रवार दिउँसो पक्राउ गरिएको प्रहरीले जनाएको छ ।​

प्रहरीका अनुसार सारूले ती बालिकालाई गत कात्तिक १३ गते पीडितकै घरमा जबरजस्ती करणी गरेका थिए । बालिकाको पेटमा गर्भ बसेपछि घटना बाहिर आएको थियो ।

त्यसपछि परिवारले दिएको उजुरीका आधारमा प्रहरी चौकी हुँगीबाट खटिएको प्रहरीले उनलाई पक्राउ गरेको हो ।

थप अनुसन्धान भइरहेको प्रहरीले जनाएको छ ।