पुस ११, २०८०
कार्यभार सम्हालेको एक वर्ष पुगेको अवसरमा प्रधानमन्त्री पुष्पकमल दाहाल ‘प्रचण्ड’ले मंगलबार राष्ट्रका नाममा सम्बोधन गर्दै कार्यशैली परिवर्तनको घोषणा गरेका छन् । ४५ मिनेट लामो सम्बोधनमा प्रचण्डले एक वर्षमा...
विश्वभर महामारीको रूपमा फैलिएको कोरोना भाइरस (कोभिड– १९)को सन्त्रास नेपालमा पनि फैलिएको छ । सौभाग्य भन्नुपर्छ, अहिलेसम्म नेपालमा यसको संक्रमण फैलिन पाएको छैन ।
शुरूमा एक नेपालीमा कोरोना भाइरसको संक्रमण पुष्टि भएपनि उनी निको भइसकेको दाबी सरकारी पक्षको छ । त्यसयता कोरोनाको आशंकामा अस्पताल भर्ना भएकाहरूको रिपोर्ट नेगेटिभ (कोरोनाको संक्रमण नपाइएको) आएको बताइएको छ ।
चीनबाट फर्काइएका १ सय ८६ जना नेपाली नागरिक क्वारेन्टाइन अवधि पूरा गरेर घर फर्केका छन् । कोरोनाको उद्गम थलो चीनको वुहानबाट फर्काइएका उनीहरूमा कोरोनाको नेगेटिभ नतिजा आउनु नेपाल लागि सुखद् कुरा हो । ढिलै भएपनि क्वारेन्टाइनमा नेपालले राम्रो व्यवस्थापन गर्न सक्यो ।
कोरोनाको प्रकोप चीनबाहिर पनि फैलिँदै जाँदा नेपालमा पनि यसको सन्त्रास फैलियो । विश्व स्वास्थ्य संगठनले नेपाल पनि कोरोनाको उच्च जोखिममा रहेको भनेर चेतावनी दिएपछि नेपालमा हुने ठूला सम्मेलनहरू स्थगित हुँदैछन् ।
बहुप्रचारित सगरमाथा सम्मेलन स्थगित भइसकेको छ भने महत्त्वाकांक्षी नेपाल भ्रमण वर्षका विदेशमा हुने कार्यक्रम पनि स्थगित गरिएको छ । ५ देशमा उडान स्थगित र ५ देशका नागरिकका लागि अनअराइभल भिसा स्थगित गरिएको छ । कोरोनाका कारण नेपालको पर्यटन उद्योगमा फेरि एकपटक मन्दी आउने खतरा छ ।
अहिलेसम्म नेपालमा कोरोना संक्रमण फैलिन नपाउनु सुखद् कुरा हो, तर भविष्यमा कोरोनाको संक्रमण रोक्नु झनै महत्त्वपूर्ण कुरा हो । यसका लागि सरकारले केही पूर्वतयारी गर्न जरुरी छ । सरकारले अहिलेसम्म गरेको तयारी पर्याप्त र सन्तोषजनक छैन । विमानस्थलमा भइरहेको थर्मल स्क्यानिङ पनि कर्मकाण्डी मात्र छ । खुला सीमानाका र विमानस्थलमा समेत अपर्याप्त जाँचका कारण कोरोना नेपाल भित्रिने खतरा कायम छ ।
शहरी क्षेत्रमा यसको संक्रमण फैलियो भने नियन्त्रणका लागि निकै कठीन पर्नेछ । कोरोनासँग जुध्नका लागि नेपालमा आधुनिक उपकरण सहितको अस्पताल छैनन् ।
सरकारी अस्पतालमा सीमित शय्याको व्यवस्था गरेपनि निजी क्षेत्रका अस्पतालले सम्भावित खतराको आंकलन गरेर पूर्वतयारी गरेका छैनन् । कोरोना भित्रिनै नदिनु सरकारको पहिलो कर्तव्य हो, तर भित्रिने खतरालाई नकार्न मिल्दैन । त्यसका लागि अस्पतालहरूले योजना बनाउनु अनिवार्य छ ।
कोरोनाबाट बच्नका लागि जनचेतना फैलाउनु अर्को महत्त्वपूर्ण काम हो । काठमाडौं लगायतका घनाबस्ती रहेका अव्यवस्थित शहरमा यस्ता सरुवा रोग छिट्टै फैलिने खतरा छ । सर्वसाधारणलाई पटक–पटक हात धुने, (मुखावरण) मास्क लगाउन सचेतना फैलाउले जस्ता काम गर्न जरुरी छ ।
बजारमा मास्कको कालोबजारी शुरू भइसकेको छ । सरकारले निःशुल्क रूपमा बाँड्नु पर्ने मास्क बजारमा किन्न समेत नपाइने अवस्था छ ।
नेपालमा तत्काल मास्क उत्पादन गर्न सम्भव नभए सुरक्षित तबरले बजारमा पर्याप्त मास्कको व्यवस्था गर्नेतर्फ सरकारको ध्यान जान जरुरी छ । भविष्यमा भवितव्य हुनुभन्दा अहिले नै पूर्व तयारीमा लाग्नु बुद्धिमता हुनेछ ।
कार्यभार सम्हालेको एक वर्ष पुगेको अवसरमा प्रधानमन्त्री पुष्पकमल दाहाल ‘प्रचण्ड’ले मंगलबार राष्ट्रका नाममा सम्बोधन गर्दै कार्यशैली परिवर्तनको घोषणा गरेका छन् । ४५ मिनेट लामो सम्बोधनमा प्रचण्डले एक वर्षमा...
लोकान्तर सञ्चार प्रालिद्वारा सञ्चालित लोकान्तर डट्कम (Lokantar.com) स्थापनाको सात वर्ष पूरा गरेर आजदेखि आठौं वर्षमा प्रवेश गरेको छ । यस अवसरमा सबैभन्दा पहिला हामी हाम्रा समस्त पाठक, विज्ञापनदाता र शुभेच्छुकहरूप्...
लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ । स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...
कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...
संयुक्त राष्ट्रसंघका महासचिव एन्टिनियो गोटरेसको भ्रमणका बेला नेपालको शान्ति प्रक्रिया फेरि एकपटक अन्तर्राष्ट्रिय समुदायमाझ चर्चाको विषय बनेको छ । नेपालको शान्ति प्रक्रियाको शुरूआती चरणमा राष्ट्र संघले सहजीक...
काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...