बर्दिबास नगरपालिका-१४ स्थित मकैबारीबाट प्रहरीले २० किलो ९ सय ७४ ग्राम अवैध लागूऔषध गाँजा बरामद गरेको छ ।

इलाका प्रहरी कार्यालय बर्दिवासबाट खटिएको गस्ती टोलीले मंगलबार बिहान मकैबारीबाट २० किलो बढी गाँजा बरामद गरेको हो । 

प्रहरी देख्नासाथ ३ जना व्यक्तिहरू बोकेको बोरा फाली फरार भएका थिए । प्रहरीले उक्त बोराबाट गाँजा फेला पारी बरामद गरेको हो । 

प्रहरीले हाल फरार व्यक्तिहरूको खोजी गर्नुको साथै यस सम्बन्धमा थप अनुसन्धान गरिरहेको जनाएको छ ।