मंसिर २०, २०८०
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
बैशाख ७, २०७६
बुटवल – पश्चिम नेपालको प्रमुख केन्द्र बटौली (बुटवल) प्रख्यात हुनुको कारण हो स्थानीय ऐतिहासिक जितगढी किल्ला ।
तिनाउ नदीको किनारामा अवस्थित जितगढीमा १८७२ सालको युद्धमा आक्रमणकारी साम्राज्यवादी अंग्रेजलाई कर्नेल उजीर सिंहको कमान्डमा रहेको नेपाली सेनाले पराजित गरेको थियो ।
भौगोलिक, प्राकृतिक, ऐतिहासिक, पुरातात्विक, सामारिक, पर्यावरणीय, सांस्कृतिक आदि कारणले पनि प्रसिद्ध रहेको छ बुटवल । यतिबेला ५ नम्बर प्रदेशको अस्थायी राजधानी भएर मात्र होइन, अंग्रेजलाई परास्त गरेको ऐतिहासिकस्थल जितगढी अवस्थित भएकाले पनि प्रसिद्ध हुन पुगेको छ ।
तत्कालीन अंग्रेज फौजलाई २ सय वर्षअघि पराजित गरेको खुशियालीलाई बुटवल उपमहानगरपालिकाले जितगढी विजय उत्सव दिवसका रुपमा मनाउँदै छ । सम्पदास्थल किल्ला परिसरमा शनिवार विजय उत्सव दिवसको विशेष कार्यक्रम हुँदैछ ।
२ सय ४ वर्षअघि विक्रम संवत् १८७१/७२ वैशाख ७ गते कर्णेल उजिरसिंह थापाको नेतृत्वको नेपाली सेनाले तत्कालीन अंग्रेज सेनालाई पराजित गरेको दिन हो । सोही ऐतिहासिक दिनलाई विजय उत्सव दिवसका रुपमा बुटवल उपमहानगरपालिकाले गत वर्षदेखि भव्य रुपमा मनाउन शुरू गरेको थियो । उपमहानगरपालिकाको गत वर्षको कार्यपालिका बैठकले विजय उत्सव दिवस मनाउने निर्णय गरेको हो ।
को हुन् उजिरसिंह ?
पाल्पा राज्य नेपालमा एकीकृत भएपछि पाल्पाका पहिलो नेपाली प्रशासक भएका थिए (जनरल अमरसिंह थापा (साना) । उनका ७ भाइ थिए । जेठी पत्नी सत्यरुपाबाट भीमसेन थापा, नयनसिंह थापा, वख्तावरसिंह थापा, अमृतसिंह थापा र रणवीरसिंह थापा जन्मिए । कान्छी पत्नीबाट रणवम थापा र रणध्वज थापा जन्मिए ।
यीमध्ये नयनसिंह थापाका छोरा हुन् उजिरसिंह थापा । हजुरबुवा अमरसिंहको मृत्युपछि सन् १८१४ देखि १८२४ सम्म १० वर्ष उजिरसिंह थापा पाल्पाको प्रशासक भएका थिए ।
जितगढी किल्लाको अवस्था
५ सय वर्गफिट इलाकामा फैलिएको यो गढी पूर्वपश्चिम लम्बाइ २ सय ५ फिट छ र चौडाइ करीब ५५ फिट रहेको छ । गढीको जग निकै फराकिलो छ र गढीको गारो क्रमशः माथितिर साँघुरो हुँदै गएको छ ।
गढीको भित्रि भागबाट पर्खालको उचाइ ४ फुट ३ इन्च र १० इन्च चौडा रहेको भित्ताको मोटाइ ८ फुट ४ इन्च रहेको र गढीको भित्री भाग खुला रहेको छ ।
करीब १२ लाखदेखि १५ लाख इँटा प्रयोग भएका र इँटाका कोही १० इन्च वर्गाकारका तथा केही इँटाको लम्बाइ–चौडाइ क्रमशः ८.६ इन्च, ६ इन्च वाई २ इन्च रहेको छ । गढीको निर्माण शैली भने अन्य प्राचीन गढीजस्तै छ । गढीको वरिपरि युद्ध गर्नको सुविधाको लागि विभिन्न किसिमका चरहरूको निर्माण गरिएको छ ।
उत्खनन् र उपलब्धि
बुटवल उपमहानगरपालिका–१ मा अर्धभग्नावशेष अवस्थामा रहेको जितगढी किल्लाको २०५५/०५६ सालमा उत्खनन् गरिएको थियो । २०७० माघ ८ गतेपछि पनि बुटवल उपमहानगरपालिकाको अनुरोधमा यसको पुनः उत्खनन् कार्य पुरातत्व विभागले गरेको थियो ।
उत्खनन्लाई पूरा गर्दै ऐतिहासिक सम्पदालाई व्यवस्थित बनाउने अभियानमा बुटवल उपमहानगर केन्द्रित भएको छ । यो गढीबारे विज्ञ तथा जानकारहरूले विभिन्न कथन फेला पारेका छन् । नेपाली वीर सेनाले अंग्रेजी साम्राज्यवादलाई परास्त गरेको यो प्रख्यात जितगढी किल्ला १६–१७ औं शताब्दीतिर सेनवंशीय (पृथ्वीपाल सेन) पाल्पाली राजाको पालामा निर्माण भएको हुन सक्छ ।
प्रारम्भमा यो गढी किल्ला बुटवल बजारलाई छोप्ने गरी नै पहाडको एक छेउदेखि अर्को छेउसम्म पूर्वपश्चिम निकै लामो रहेको इतिहासविद्हरू बताउँछन् । कालान्तरमा तिनाउ नदीको कटान र बढ्दो शहरीकरणको प्रभावले गर्दा हाल यसको धेरै सानो भाग २०५ फिट लम्बाई र ८ फिट चौडाइ मात्र बाँकी रहेको छ । किल्ला अतिक्रमणको चपेटामा परेको छ । यसलाई पुरानै अवस्थामा ल्याउने गरी बुटवलले गुरूयोजना बनाएको छ ।
जितगढी किल्लाको पूर्वपश्चिमबाट उत्तर खण्डको पर्खालसँगै गढी किल्लासँग सम्बन्धित सुरुङमा प्रवेश गर्ने ९/७ वटा खुड्किला भएको २ वटा सिँढी, तल्लो भागमा प्लास्टर सहितको भुइँ, बराण्डामाथि छुने छपनी समेत छपनी फेला परेको थियो । यसका अतिरिक्त सिँढीको बीच भागमा पूर्व र पश्चिमतर्फ प्रवेश मार्ग भेटिएको थियो । उत्तर तर्फको प्रवेशमार्ग सम्भवतः हातहतियार खजाना राख्ने ठूलो भण्डार हुन सक्ने, दक्षिण तर्फको प्रवेशद्वार सुरुङभित्र जाने प्रवेशद्वार हुनसक्ने अनुमान गर्न सकिन्छ । उत्खननबाट प्राप्त पुरातात्विक वस्तु हाल पुरातत्व विभागमा संरक्षित छन् ।
बुटवलको जितगढी किल्लाको ऐतिहासिक महत्व वर्णनातीत छ । यसले हामी नेपालीलाई एकतामा आवद्ध हुन, देशका लागि आफ्नो जीवनको आहुति दिन एवं देशभक्तिको निरवच्छिन्न पाठ सिकाइरहेको छ भने स्वतन्त्रता र सार्वभौमसत्ता अक्षुण्ण राख्न देशभक्त नेपाली जुनसुकै मूल्य चुकाउन तम्तयार रहेको सन्देश विश्वलाई दिइरहेको छ ।
विजयोत्सवको दिन जितगढी किल्ला परिसरमा निर्माण गरिएको कर्णेल उजीरसिंह थापाको पूर्णकदको शालिक अनावरण गर्ने र शालिकको छेउमा विशाल राष्ट्रिय झण्डा झण्डोत्तोलन गर्ने कार्यक्रम रहेको नगर प्रमुख शिवराज सुवेदीले जानकारी दिए ।
कर्णेल उजिरसिंहको उक्त शालिक अनावरण र झण्डोत्तोलन प्रधानमन्त्री केपी शर्मा ओलीले गर्नेछन् । विजयोत्सव समारोहमा प्रधानमन्त्री ओलीसहित पूर्वप्रधानमन्त्री पुष्पकमल दाहाल ‘प्रचण्ड’, रक्षामन्त्री ईश्वर पोखरेल, कांग्रेस महामन्त्री शशांक कोइराला, कांग्रेस सचेतक बालकृष्ण खाँड लगायतका शीर्ष नेता बुटवल आउने कार्यक्रम रहेको प्रमुख सुवेदीले जानकारी दिए ।
विजयोत्सवलाई भव्य बनाउन जितगढीमा विशेष तयारी गरिएको र त्यसमा नेपाली सेनासहितका सुरक्षाकर्मीले सहकार्य गरिरहेको पनि उनले बताए । जितगढी सम्पदा स्थलमा त्यहाँका जनप्रतिनिधि, नागरिक अगुवा, युवा समेत सक्रिय रहेका छन् ।
दिवसका अवसरमा तत्कालीन युद्धको प्रहशन गर्ने तयारीसमेत भइरहेका छ । त्यसका लागि विशेष मञ्च, प्रहसनस्थल निर्माण, स्वागतद्वार निर्माण सरसफाइ लगायतका काम भइरहेका छन् । सम्पदा स्थलको सुरक्षा र दिवस तयारीमा नगरपालिकाका वडाध्यक्ष, कार्यपालिका सदस्य, प्राविधिक र सुरक्षाकर्मीले दिवसको तयारी र सुरक्षाका काम गरिरहेका छन् ।
बुटवल उपमहानगरपालिकाले ऐतिहासिक दिनको उत्सवलाई ऐतिहासिक बनाई जितगढीलाई राष्टिय अन्तर्राष्ट्रिय क्षेत्रमा व्यापक प्रचारप्रसार गर्ने कार्यको शुरूवात गरेको प्रमुख प्रशासकीय अधिकृत चक्रपाणी शर्माले बताए । शर्माले यस पटकको उत्सवपश्चात् गुरुयोजना बनाई जितगढीको संरक्षण, प्रवद्र्धन र विकास गरिने बताए ।
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
यातायात व्यवस्था विभागका महानिर्देशक उद्धवप्रसाद रिजालसहितको टोली सवारी चालक अनुमति पत्र (लाइसेन्स)मा प्रयोग हुँदै आएको स्मार्ट कार्डको गुणस्तर अनुगमनका लागि भन्दै जर्मनी जान लागेका छन् । टोलीमा विभा...
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...