कात्तिक १८, २०८०
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
पुस २२, २०७७
सुदूरपश्चिम प्रदेशका आर्थिक मामिला तथा योजना मन्त्री झपटबहादुर बोहराले बुधवार मुख्यमन्त्रीलाई राजीनामा पत्र बुझाए । पत्रकार सम्मेलन गर्दै बोहराले राजीनामा घोषणा गर्दै आफू प्रधानमन्त्री केपी शर्मा ओली पक्षधर नेकपामा रहेको बताए ।
मन्त्रीले राजीनामा नै दिएर आफ्नो पक्षमा लागेपछि ओली पक्ष उत्साही भएको छ । ‘दृढ इच्छाशक्ति र यथेष्ट प्रयत्नका बाबजुद जनभावना अनुसार काम गर्न विभिन्न कठिनाइ एवं चुनौतीको सामना गर्नुपरेकाले प्रदेश सरकारको मन्त्री पदमा बसिरहँदा प्रदेशका जनताको अपमान हुने भएकाले राजीनामा गरेको छु,’ मन्त्री बोहराले पत्रकार सम्मेलनमा भने ।
मन्त्री बोहराले पत्रकार सम्मेलनमा हालसम्म आफूले गरेका कार्यको विवरण प्रस्तुत गरेका थिए ।
यसअघि मुख्यमन्त्री त्रिलोचन भट्टले ओली पक्षमा खुलेका भौतिक पूर्वाधार मन्त्री पठान बोहरालाई बर्खास्त गरेका थिए । मन्त्री बोहरालाई बर्खास्त गरेलगत्तै ओली पक्षले मुख्यमन्त्री भट्ट नेतृत्वको सरकार ढाल्ने चेतावनी दिएको थियो ।
‘प्रदेश सरकारको दिनगन्ती शुरू भयो’
प्रदेश सभामा अल्पमतमा रहेको केपी पक्षले आफ्नो पक्षमा सांसदहरू खुल्न थालेको दाबी गरेको छ । ‘हामी हिजोसम्म ६ जना थियौं खुलेका, आज ७ भएका छौं,’ प्रदेशसभा सदस्य नेपालु चौधरीले भने, ‘अब यो संख्या बढ्दै जान्छ । हाम्रो पक्षमा केही दिनमै बहुमत सांसद पुग्नुहुन्छ ।’ मुख्यमन्त्री भट्ट नेतृत्वको सरकार असफल भइसकेको धेरै दिन नटिक्ने उनले बताए ।
प्रदेश सरकार असफल भइसकेको प्रदेशसभा सदस्य महेशदत्त जोशीले बताए । ‘सरकार पूर्ण रूपमा असफल भइसकेको छ । मुख्यमन्त्री त्रिलोचन भट्टले नैतिकताको आधारमा राजीनामा दिनुपर्छ,’ उनले भने, ‘सांसदहरू हाम्रो पक्षमा खुल्दै गइरहनुभएको छ । ढिलोचाँडो सरकार ढल्छ, मुख्यमन्त्रीमा काम गर्ने इच्छा शक्ति नै छैन ।’
प्रदेश सरकारविरुद्ध मोर्चाबन्दी शुरू भइसकेको प्रदेशसभा सदस्यहरूको तर्क छ । ‘वर्तमानमा सरकार देखेर प्रचण्ड–नेपाल पक्षकै प्रदेशसभा सदस्यहरू नै असन्तुष्ट छन्,’ प्रदेशसभा सदस्य रतन थापाले भने, ‘सरकारको आयू धेरै छैन, हामी त सरकार गिराउने पक्षमा छैनौं । तर वर्तमान सरकारले जनअपेक्षा अनुसारका काम गर्न सकेको छैन, सांसदहरू रुष्ट छन्, सरकारको आयु धेरै छैन ।’
‘एक जना मन्त्री घट्दैमा केही फरक पर्दैन’
प्रचण्ड–नेपाल पक्षका सांसद भने सरकारबाट २ मन्त्री बाहिरिँदैमा समीकरणमा केही फरक नपर्ने बताए । नेकपा संसदीय दलका प्रमुख सचेतक रहेका प्रदेशसभा सदस्य तारालामा तामाङले भने, ‘सरकारमा बस्ने/नबस्ने त उहाँको स्वतन्त्रताको कुरा हो । मन्त्रालय सञ्चालन गर्ने इच्छा नै भएन, सरकारमा बसिराख्ने कुरो पनि भएन तर उहाँले यो अवस्थामा राजीनामा दिनु गलत हो ।’
‘सरकारी योजना कार्यान्वयनको चरणमा लैजानुपर्ने बेलामा अर्थमन्त्रीले पदबाट राजीनामा दिँदा प्रदेश सरकारका सम्पूर्ण काम कारबाही प्रभावित हुन्छन् । जसले गर्दा सरकारले जनअपेक्षा अनुसारका काम गर्न सक्दैन । तर मुख्यमन्त्री भट्टले अब रिक्त रहेका मन्त्रालयमा चाँडै जिम्मेवारी प्रदान गर्नुहुन्छ । राजनीतिमा यो हुने कुरा हो, धेरै समस्या पर्दैन,’ उनले भने ।
‘पार्टी र सरकारको समीकरणमा कुनै फरक पर्दैन’
सरकारका प्रवक्ता समेत रहेका आन्तरिक मामिला तथा कानूनमन्त्री प्रकाश शाहले अर्थमन्त्रीको राजीनामाले संसदीय दल र सरकारमा केही फरक नपर्ने बताए । ‘उहाँलाई दबाब दिएर राजीनामा दिनुस् भनेर कसैले भनेको छैन,’ मन्त्री शाहले भने, ‘उहाँले आफ्नो इच्छाले राजीनामा दिनुभएको हो, यसले केही असर पर्दैन । हाललाई अर्थ मन्त्रालयको जिम्मेवारी पनि मुख्यमन्त्रीले लिनुहुन्छ ।’
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...