निर्माण घोषणादेखि नै प्रतीक्षित मानिएको फिल्म ‘महाजात्रा’को फस्टलुक पोस्टर सार्वजनिक गरिएको छ । 

पोस्टरमा फिल्मका शीर्ष कलाकारहरू हरिवंश आचार्य, विपिन कार्की, रवीन्द्र झा र रवीन्द्रसिंह बानियाँलाई चित्रण गरिएको छ । ‘जात्रा’ सिरिजमा हरिवंश पहिलोपटक जोडिएका हुन् । 

पोस्टरमा पैसाको बिटा पनि देखाइएको छ । साथमा एक भ्यान पनि देख्न सकिन्छ । प्रदीप भट्टराईको लेखन एवं निर्देशन रहेको फिल्म ‘महाजात्रा’ चैत ९ गतेबाट प्रदर्शनमा आउने तयारीमा छ । ‘जात्रा’ र ‘जात्रैजात्रा’को व्यावसायिक सफलतापछि ‘महाजात्रा’ बनेको हो । 

फिल्ममा वर्षा राउत, राजाराम पौडेल, शिशिर बाङ्देल, दिव्यदेव, गौमाया गुरुङ, सुमन कार्की लगायतको पनि अभिनय छ । षट्कोण आर्टसको ब्यानरमा बनेको फिल्मको निर्माता म्याक्स दीपेश खत्री र यज्ञश्वर पौडेल हुन् ।