प्रहरी  सहायक  निरीक्षक  सुशीला  भुसाल  नौ  महिनाकी  गर्भवती  छिन्  ।  केही  अघिसम्म  प्रहरी  पोसाकबिनै उनी कार्यालय जान्थिन् । अहिले भने उनी बेग्लै पोसाकमा कार्यालय जान्छिन् । 

नेपाल प्रहरीले गर्भवती प्रहरीका लागि छुट्टै पोसाक व्यवस्था गरेपछि उनी  जस्ता  धेरै  गर्भवती  प्रहरी  नयाँ  बर्दीमा  ठाँटिएर  कार्यालय पुग्ने गरेका छन् । गर्भावस्था  आफैँमा  महिलाका  लागि  जटिल  अवस्था  हो  ।  गर्भभित्र  हुर्कंदै  गरेको  शिशुको  सुरक्षा  र  कार्यालयको  कामको  जिम्मेवारी  पूरा  गर्न  महिला  प्रहरीका लागि तोकिएको प्रहरी पोसाक सर्ट र पाइन्ट बाधक थियो । 

अब गर्भवती हुने महिला प्रहरीका लागि पोसाककै कारण अप्ठ्यारा दिन सकिएको उनको भनाइ छ ।  नेपाल  प्रहरीले  गर्भवती  महिलाका  लागि  नयाँ  पोसाक  निःशुल्क  वितरण  थालेको  प्रहरी  प्रवक्ता  भीमप्रसाद  ढकालले  जानकारी  दिए । उनका  अनुसार सुरुवाती चरणमा ३७० जना गर्भवती प्रहरीलाई गर्भावस्था अनुकूलको पोसाक दिइएको छ । गोरखापत्रमा खबर छ।