२५ जेठ २०८३, सोमबार
विश्वविख्यात तबला बाधक उस्ताद जाकिर हुसैनको निधन भएको छ । अमेरिकाको सान फ्रान्सिस्कोको एक हस्पिटलमा सोमबार बिहान ७३ वर्षीय हुसैनको निधन भएको भारतीय सञ्चार माध्यमहरूले जनाएका छन् ।
'इडियोप्याथिक पल्मोनरी फाइब्रोसिस्' नामक फोक्सोसम्बन्धी रोगका कारण उनको निधन भएको समाचारमा उल्लेख छ । उनी दुई हप्तादेखि सान फ्रान्सिस्कोको अस्पतालमा भर्ना भएका थिए ।
युनाइटेड स्टेट्स नेशनल इन्स्टिच्युट अफ हेल्थका अनुसार इडियोपैथिक पल्मोनरी फाइब्रोसिस फोक्सोको गम्भीर र दीर्घकालीन रोग हो। जसले हावाको थैली वा एल्भिओली (फोक्सोमा हुने सानो हावा थैली) वरपरको तन्तुलाई असर गर्छ।
कुनै कारणले फोक्सोको तन्तु बाक्लो र कडा हुँदा यस्तो हुन्छ। विस्तारै, समयको साथ, फोक्सोमा दागहरू विकसित हुन्छन्, जसलाई फाइब्रोसिस भनिन्छ। जसका कारण बिस्तारै सास फेर्न गाह्रो हुन्छ ।
