१४ असार २०८३, आइतबार
धरान, १० पुस– धरानस्थित बिपी कोइराला स्वास्थ्य विज्ञान प्रतिष्ठान हास्टेलबाट ब्राउन सुगरसहित एकजना डाक्टर पक्राउ परेका छन् । प्रतिष्ठानमै अध्ययन गरेर इन्टन गर्दै गरेका क्षितिज श्रेष्ठसहित तीन जनालाई प्रहरीले पक्राउ गरेको हो ।
प्रतिष्ठानको होस्टेलको ११४ नम्बर कोठाबाट काठमाडौं सिनामंगलका डा श्रेष्ठसहित धरान १० का दिनेश श्रेष्ठ र धरान ५ का उज्ज्वल हलुवाईलाई शनिबार पक्राउ गरेको इलाका प्रहरी कार्यालय धरानले जनाएको छ । उनीहरुको साथबाट २५ मिलिग्राम ब्राउन सुगर बरामद गरेको इलाका प्रहरी कार्यालय धरानका डिएसपी रामेशवर पौडेलले जानकारी दिए ।
हलवाई प्रतिष्ठानभित्र ब्राउन सुगर पुर्याउने र श्रेष्ठले डाक्टरलाई उपलब्ध गराउने गरेको प्रहरी अनुसन्धानबाट पत्ता लागेको छ, नयाँ पत्रिकामा खबर छ ।
