२५ जेठ २०८३, सोमबार
पर्यटन क्षेत्रलाई उकास्नका लागि सरकारले रात्रिकालीन व्यवसायलाई २४ सै घण्टा खोल्ने निर्णय गरेको थियो ।
विशेषगरी राजधानी काठमाडौंको प्रमुख पर्यटकीय क्षेत्र ठमेललाई सरकारले २०८१ सालदेखि २४ सै घण्टा खुलाइएको हो । ठमेलका साथै दरबारमार्गलाई पनि २४ सै घण्टा खुला गरेको दुई वर्ष पूरा भइसकेको छ ।
ठमेल पर्यटन विकास परिषद् र दरबारमार्ग विकास बोर्डको संयुक्त साझेदारीमा नेपाल सरकारबाट २०८१ वैशाख १ गतेदेखि २४ सै घण्टा खुला गरिएको थियो ।
आर्थिक मन्दीको मारमा परेको पर्यटन व्यवसायलाई चलायमान बनाउन ठमेल र दरबारमार्ग क्षेत्र सधैं खुला राख्ने निर्णय गरिएको हो । पहिले र अहिले बजारको चहलपहल र अस्त व्यस्तता उस्तै छ । व्यवसायीहरू खुसी पनि छन् निराश पनि छन् ।
रात्रिकालीन व्यवसाय व्यवस्थित हुन नसकेको गुनासो गर्नेहरू पनि छन् । व्यापार बढेकोमा खुसी हुनेहरू पनि छन् ।
रात्रिकालीन व्यवसायमा होटेल, रेष्टुरेन्ट, बार, लाउन्ज, डान्स क्लब, दोहोरी साँझलगायत पर्छन् । यी व्यवसायहरू निश्चित समयसम्म खुल्ने गर्दछन् ।
तर, ठमेलमा २ वर्षदेखि सानादेखि ठूला पसल २४ सै घण्टा खुल्ला हुन्छन् । मध्यरातमा एमआरपीमै पेयर पदार्थ पाइन्छ । जसको असर होटेल तथा रेष्टुरेन्टमा परेको व्यवसायीको गुनासो छ ।
२ वर्षपछि ठमेल बजारको अवस्था कस्तो छ ? रात्रिकालीन व्यवसाय कतिको चलायमान भएको छ ? यस विषयमा तयार पारिएको भिडियो सामग्री हेर्नुहोस् :
