०९ असार २०८३, मंगलबार
काठमाडौं – जम्मु कश्मीरको पुलवामामा भएको आतंकवादी आक्रमणपछि भारतले पाकिस्तानको बालाकोटमा गरेको हवाई आक्रमणमा २०० भन्दा बढी आतंकवादी मारिएको दाबी गर्दै एउटा भिडियो भाइरल भइरहेको छ ।
भाइरल भिडियोमा एक अमेरिकी अभियन्ता हसन सेरिङले बालाकोटमा गरिएको आक्रमणमा २०० भन्दा बढी आतंकवादी मारिएको सुनाएका छन् । उनले २ मिनेट २० सेकेन्डको एक भिडियो जारी गरेका छन् जसमा पाकिस्तानी
सेनाका केही जवान स्थानीयहरूसँग भेटघाट गरेर सान्त्वना दिइरहेका छन् । यसक्रममा उनीहरूले हिजो हाम्रा २०० मान्छे माथि गए भनेका छन् ।
यो भिडियो ऊर्दू मिडियामा एकदमै भाइरल भइरहेको छ र यसले अनेकौं प्रश्न उठाएको छ । ऊर्दू मिडियाका अनुसार, एयरस्ट्राइकपछि थुप्रै लाश बालाकोटबाट खैबर पख्तुनख्वा लगिएको थियो ।
भिडियोमा पाकिस्तानी सेनाका जवानले हाम्रा २०० भन्दा बढी मानिस शहीद भएको भनिएको छ । अहिले पाकिस्तानी सरकारसँग उभिने बेला भएको उनीहरूको भनाइ छ । जवानहरू आफ्नो भाग्यमा शहादत नलेखिएको र लेखिएकाहरूसँग उभिनुपर्ने भनिरहेका छन् । यसक्रममा आतंकवादीहरूका परिवारका सदस्य र बच्चाहरू रोइरहेका देखिन्छन् ।
तर अमेरिकी अभियन्ता हसनले आफैं यो भिडियोलाई पुष्टि गर्न नसक्न बताएका छन् तर यसबाट पाकिस्तानले केही ठूलै कुरा लुकाइरहेको हो कि भन्ने देखिन्छ । बालाकोटमा अन्तर्राष्ट्रिय मिडियालाई अहिले प्रवेश गर्न दिइएको छैन ।
#Pakistan military officer admits to "martyrdom" of more than 200 militants during Indian strike on #Balakot. Calls the terrorists Mujahid who receive special favors/ sustenance from Allah as they fight to support PAK government [against enemies]. Vows to support families pic.twitter.com/yzcCgCEbmu
— #SengeSering ས།ཚ། (@SengeHSering) March 13, 2019
एजेन्सी
