श्रम संस्कृति पार्टीका सांसदको नाराबाजीपछि प्रतिनिधिसभा बैठक १५ मिनेटका लागि स्थगित भएको छ ।

विनियोजन विधेयकमाथिको छलफलमा उठेका प्रश्नको मन्त्रीले जवाफ दिने कार्यक्रम चलिरहेको समयमा बुधवार श्रम संस्कृति पार्टीका सांसदले नाराबाजी गरेका थिए ।

श्रम संस्कृति पार्टीका सांसदले वेल घेर्दै नाराबाजी गरेपछि सभामुखले प्रतिनिधिसभा बैठक १५ मिनेटका लागि स्थगित गरेका हुन् ।

त्यसअघि संसदमा श्रम संस्कृति पार्टीका सांसद हक साम्पाङ र सभामुखबीच सवाल जवाफ भएको थियो ।

सभामुखले बस्न आदेश गरेपछि झोक्किएका हर्कले ‘इतिहासले मूल्याङ्कन गर्छ भन्दै’ चर्को बोलेका थिए ।