११ असार २०८३, बिहीबार
राष्ट्रिय स्वतन्त्र पार्टी (रास्वपा)को प्रथम महाधिवेशनअन्तर्गत आजका लागि तय भएका सबै निर्वाचन प्रक्रिया स्थगित गरिएको छ ।
प्रतिनिधि चयनमा विवाद देखिएपछि बिहान साढे ८ बजेबाट शुरू हुने भनिएको बन्द सत्र साँझ ६ बज्दा पनि शुरू हुन सकेको छैन ।
आजका लागि तय भएका सबै प्रक्रिया स्थगित गरेर अन्तिम नामावली मात्रै प्रकाशन गरिने निर्वाचन आयोग उपप्रमुख राम गुरुङले जानकारी दिए ।
'अन्तिम नामावली प्रकाशनका लागि अहिले पनि छलफल भइरहेको छ,' उनले भने, 'आजका लागि तय भएका सबै कार्यक्रम स्थगित गरेर अन्तिम नामावली मात्रै प्रकाशन गर्ने तय भएको छ ।'
उनका अनुसार बाँकी निर्वाचन प्रक्रिया भोलि बिहानबाट शुरू हुने छ ।
