राष्ट्रिय स्वतन्त्र पार्टी (रास्वपा)का सभापति रवि लामिछानेले पुन: पार्टीको सभापति पदमा उम्मेदवारी दिने भएका छन् ।

रास्वपाका नेता एवं परराष्ट्रमन्त्री शिशिर खनालका अनुसार लामिछानेले सभापति पदका लागि उम्मेदवारी दर्ता गराउने तयारी गरेका छन् । 

उनको उम्मेदवारीको प्रस्तावकमा प्रधानमन्त्री एवं रास्वपा वरिष्ठ नेता वालेन्द्र (बालेन) शाह रहने खनालले जानकारी दिए ।

रास्वपाले सभापति पदमा उम्मेदवारी दिन ५१ हजार रूपैयाँ दस्तुर, एक जना प्रस्तावक र ५१ जना समर्थक आवश्यक पर्ने व्यवस्था छ ।

लामिछानेको उम्मेदवारीका लागि प्रस्तावकको नाम टुंगो लागिसकेको भए पनि समर्थकहरूको सूची भने सार्वजनिक भएको छैन ।

रास्वपाले चितवनमा जारी पहिलो राष्ट्रिय महाधिवेशनमार्फत नयाँ नेतृत्व चयन गर्दैछ ।