मंसिर १७, २०८०
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
यो दाजुको मिर्मिरे आँखा
कस्तो मेरो बिगार्यो दिमाख
नरोऊ मायालु ... !
सारङ्गीको मीठो धुनमा यसरी नरोऊ मायालु भन्दै गाउँबेसीमा गीत गुञ्जाउने लोक कलाकार धनबहादुर गायक सबैलाई रुवाएर यसै हप्ता संसारबाट अलप भए ।
गत माघ १२ गते उपचारकै सिलसिलामा यो सांसारिक मोहबाट उनले आफ्नो इहलीला समाप्त गरेका हुन् ।
नुहाउने क्रममा लडेपछि बेहोस बनेका उनलाई मणिपाल शिक्षण अस्पताल लगिएको थियो । केही वर्षदेखि उच्च रक्तचाप र फोक्सोका समेत बिरामी धनबहादुरको ५६ वर्षकै उमेरमा असामयिक र अकल्पनीय निधनले सारङ्गीको एउटा तार नै चुँडिएको शुभचिन्तक स्मरण गरिरहेका छन् ।
कालो वर्ण, होचो कद, फुर्तिला र जाँगरिला हर्कबहादुर सारङ्गी र मादल बजाउन माहिर थिए । मीठामीठा गीत रचना गर्ने, आफ्नै संगीत भर्ने र स्वर पनि भर्ने उनी गीत–संगीतका त्रिवेणी थिए ।
यतिसम्म कि पोखरामा हुने सांस्कृतिक कार्यक्रममा धनबहादुरको उपस्थिति अनिवार्य जस्तै हुन्थ्यो । उनी भ्याएसम्म ती कार्यक्रममा प्रायः सहभागी हुन्थे पनि ।
पोखरा महानगरपालिका–१६ बाटुलेचौर निवासी धनबहादुर गन्धर्व संस्कृति रक्षाका लागि एक्ला धरोहर नै थिए । उनकै पहलमा १० वर्षअघि बाटुलेचौरमा झलकमान गन्धर्व राष्ट्रिय लोकबाजा सारङ्गी संरक्षण पाठशाला खोलिएको थियो । जहाँ उनले गन्धर्व संस्कृति र सारङ्गी संरक्षणका लागि आउँदो पुस्तालाई पनि सारङ्गी सिकाउन निःशुल्क रूपमा त्यस्तो व्यवस्था मिलाएका थिए ।
गन्धर्व संस्कृतिका धरोहर झलकमान गन्धर्व उनकै मामा थिए । झलकमानको निधनपछि गन्धर्व संस्कृति जगेर्नाका लागि केही न केही गर्नुपर्छ भन्ने सोचका साथ धनबहादुरले सो पाठशाला स्थापना गरेका हुन् । पाठशाला खोलेसँगै धनबहादुर गन्धर्व संस्कृति संरक्षणमा लागिपर्दै आएका थिए ।
गीतसंगीत सिर्जना तथा संरक्षणमा जीवन नै समर्पण गरेका धनबहादुरमा सानैदेखि सारङ्गीप्रति मोह जागेको उनका सहकर्मीहरू सम्झन्छन् । गण्डकी प्रदेश सांसद एवं नेकपा कास्की अध्यक्ष कृष्ण थापा उनै धनबहादुरका विद्यार्थीकालमै सहपाठी थिए । आफ्ना सहपाठीको निधनपछि विक्षिप्त सांसद थापाले आफूहरू स्कूलदेखिकै सहपाठी भएको बताए । सानो उमेरदेखि नै गीतसंगीतमा रुचि राख्ने धनबहादुरले आफ्नो जीवनको अन्ति घडीसम्म पनि सारङ्गीमा झुकाव राखिरहे । उनी सारङ्गी र मादलका सम्राट रहेको हुँदा उनको झुकावको कदर गर्दै तत्कालीन समयमा विन्ध्यवासिनी संगीत पाठशाला खोलेर जिम्मा लगाएको बताए ।
अत्यन्तै मृदुभाषी, मिलनसार, इमान्दार गायकको निधनले गीतसंगीत क्षेत्रमा अपुरणीय क्षति पुर्याएको बताए ।
धनबहादुरकै रचनामा बहुचर्चित गीत ‘यो दाजुको मिर्मिरे आँखा ...’ ४० को दशकतिर रेडियो नेपालमा खुबै बज्थ्यो । प्रवीण गुरुङ र बीमाकुमारी दुराको संयुक्त स्वर रहेको सो गीतको रचना एवं संगीत दुवै धनबहादुर गायकले गरेका थिए । लोकसंस्कार र संस्कृति बाँचे मात्र आफ्नो पहिचान बाँच्नेमा उनलाई भरपूर विश्वास थियो ।
बाटुलेचौरमै जन्मिएका थिए, जनकविकेशरी धर्मराज थापा, झलकमान गन्धर्व, कर्णबहादुर गन्धर्व । गीतसंगीतको उर्वरभूमि सो ठाउँमा युवा पुस्तामा जन्मिएका थिए धनबहादुर । बाटुलेचौरमा हाल करीब ७५ घरधुरी गन्धर्व समुदायकै छ ।
बहुप्रतिभाशाली धनबहादुर गायन, संगीत र नृत्यमा निपूर्ण रहेको सम्झिन्छन् संस्कृतिकर्मी तीर्थ श्रेष्ठ । पोखराको विन्ध्यवासिनी धार्मिक क्षेत्र विकास समिति र झलकमान गन्धर्व सारंगी पाठशालाको सहकार्यमा धनबहादुरले मालश्री धुन सुनाउने गरेको श्रेष्ठ सम्झिन्छन् । कल्याण शेरचन प्रतिष्ठानमा उनको महत्त्वपूर्ण भूमिका थियो । डाँफे कला मन्दिरमा लामो समय आबद्ध रहे ।
‘बेली र चमेली ...’, ‘मायामा नभुल ...’, ‘लाग्यो बुढेसकाल ...’ लगायत दर्जनौं चर्चित गीतका उनी सर्जक हुन् । उनले लेखेका गीत माग्न विभिन्न ब्याण्ड आएका थिए तर उनले दिएनन् । साथीभाइसँगको कुराकानीमा उनले भन्ने गर्थे, ‘सांगीतिक क्षेत्रमा पनि गन्धर्व जातिलाई प्रयोग गरेर आफू माथि पुगेपछि बिर्सने प्रवृत्ति हावी छ ।’ त्यही भएर उनै आफैंले पछिल्लो पुस्तालाई सांगीतिक क्षेत्रमा निःशुल्क तालिम अवसर दिएका हुन् ।
धनबहादुरको निधनसँगै गन्धर्व समुदायले असल अभिभावक गुमाएको छ । लक्ष्य ब्यान्डका सदस्य धीरज गुरुङले गीतसंगीतको एउटा नक्षेत्र विलिन भएको बताए । धीरजका अनुसार धनबहादुरले निःशुल्क रूपमा आमा समूहलाई मादल बजाउन सिकाउने पनि गर्दथे । पछिल्लो पुस्तालाई सारङ्गी संरक्षणमा सहभागी गराए । आफूले क्रिस्चियन धर्म मान्ने गरे पनि अन्य जातजाति तथा धर्मावलम्बीलाई उत्तिकै समान व्यवहार गर्दथे । उनको स्मरणमा आफूहरूले के गर्ने भन्नेबारेमा केही समयमै योजना बनाउने पनि जानकारी दिए । लक्ष्य ब्याण्ड विशेष गरी इन्स्टु«मेन्टल ब्याण्ड भएको र सारङ्गी नटुट्ने उनको भनाइ छ ।
बाटुलेचौरकै रञ्जन गायकले आफ्ना काका तथा प्रेरणाका स्रोत धनबहादुरसँग गुरुचेला बन्ने क्रममा सांगीतिक यात्रा टुटे पनि आत्मिक रूपमा सधैं आफूहरूसँगै रहिरहने बताउँछन् । आफ्नो पुर्खाको चिनो जगेर्ना गर्न सदैव तल्लिन रहिरहने उनको प्रतिबद्धता छ ।
‘उहाँकै प्रेरणाले म सांगीतिक क्षेत्रमा आएँ । सधैं स्मरण गरिरहनेछु,’ उनले भने, ‘किनकि उहाँजस्तो व्यक्ति अब हाम्रो पुस्ताले पाउने छैन ।’
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
कलाकार शिशिर भण्डारीले आफ्नो हिट गीत ‘फोटो फिरिममा’ शीर्षकमा टेलिसिरियल ल्याउने भएका छन् । निर्माणको तयारी सुरु भइसकेको टेलिसिरियलमा उनकै कथा, पटकथा एवं संवाद लेखन रहनेछ । उ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...