२७ असार २०८३, शनिबार
संसारका सबभन्दा धनी अर्बपति इलोन मस्कले टेस्ला सुपरकारमा जेट इन्जिन जडान गरेर जमीनभन्दा तीन फीट माथि उडाउन मिल्ने योजना बनाइरहेको बिहीवार बताएका छन् ।
टेस्ला कम्पनीले सन् २०१७ मा अर्को पुस्ताको रोडस्टर नामक कार सार्वजनिक गरेको थियो । त्यो कार १.९ सेकेन्डमा शून्यबाट ६० माइल प्रतिघन्टामा पुग्न सक्छ र यसको ब्याट्रीले ६२० माइलसम्म धान्छ । विद्युतीय कारका लागि त्यो ठूलो उपलब्धि हो ।
तर त्यतिखेर कारमा रकेट जेट राख्ने कुरा गरिएको थिएन ।
अहिले आएर टेस्लाका सीईओ तथा स्पेसएक्स कम्पनीका संस्थापक मस्कले सुपरकारमा स्पेसएक्सको प्याकेज राखेर त्यसलाई उड्न मिल्ने बनाउन खोजेको बताएका छन् ।
त्यस प्याकेजमा १० वटा साना रकेट थ्रस्टरहरू हुनेछन् ।
‘हामीले कारमा रकेट प्रविधि पनि जडान गर्न खोजेका छौं,’ उनले भने । ‘त्यो कार अलिकति उडोस् भन्ने मेरो चाहना हो । मान्छे नमारिकन यो कसरी उड्न सक्छ भनी हामी परीक्षण गरिरहेका छौं ।’
