जयन्ती भानु (कविता)

के. पी. पाण्डेय

जयन्ती भानु दिवस ठुलो सबैले मनाउ,


Advertisement

रामको गाथा पुस्तक पढी नेपाली रमाउ ।

 

घाँसिको भेट संयोग रहयो भानुनै उदाय,

लिएर अर्ति संकल्प गरे किर्तीनै फिजाए ।

 

धनिका धनी मनका ऊनी पुरुष बिशाल,

गरेर नाम राख्छुनै भन्ने अठोट हिमाल ।

 

रामको गाथा गाएर गए अक्षर अमर,

धर्मको ग्रन्थ पढेर भए सबैनै साक्षर ।

 

जीवन बुझे क्षणिक रैछ तबत लेखेका,

गरेर केही किर्तिनै राख्छु तबत भनेका।

 

दिएर गए शब्दका जल नदीझै बगने,

पढेर गए अक्षर सबै सागर पुगिने ।

 

अहिले जन बुझ्दैन मन भानुको इशारा,

बुझेमा तर्छ वारिको पारी जीवन किनारा ।

 

        बालकोट, भक्तपुर

कमेन्ट गर्नुहोस्