‘द भ्वाइस अफ नेपाल’ सिजन-३ की फर्स्ट रनरअप तारा श्रीस मगरको स्वरमा रहेको गीत ‘आमा’ सार्वजनिक भएको छ । 

रश्मी काली थापाको शब्द, अष्ट लामाको संगीत रहेको गीतको भिडियो सार्वजनिक भएको हो ।

जीवन शाहीको निर्देशन रहेको गीतको भिडियोमा अभिनेत्री शर्मिला मल्ल र नायिका अफ्सना थापाको अभिनय छ । 

गीतमा परदेशमा रहेका नारीहरूले स्वदेशमा रहेका आमाको सम्झनामा भाव पोखिएको छ । 

दीपेन बस्न्यातको छायांकन तथा सम्पादन रहेको भिडियो भकारी एमडीसीले निर्माण गरेको हो । गीतको भिडियो बेष्ट टोन म्युजिकको युट्युव च्यानलमार्फत् सार्वजनिक गरिएको छ ।