माघ ८, २०८०
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
भदौ १८, २०७८
काठमाडौंको चोभारमा सुख्खा बन्दरगाह निर्माणको काम अन्तिम चरणमा पुगेको छ ।
अबको केही महिनामा नै यसलाई सञ्चालन गर्न सक्ने गरी संरचना निर्माण भएको नेपाल इन्टरमोडल यातायात विकास समितिका कार्यकारी निर्देशक आशिष गजुरेलले जानकारी दिए ।
उद्योग तथा वाणिज्य मन्त्रालय मातहतमा निर्माण भएको यस बन्दरगाहलाई सञ्चालनमा ल्याउने गरी तयारी भइरहेको निर्देशक गजुरेलको भनाइ छ ।
बन्दरगाहको २ माइलस्टोनमध्ये १ माइलस्टोन संरचना निर्माण करीब-करीब सकिएको छ,’ उनले थपे, ‘अब सञ्चालन माइलस्टोन पनि पूरा हुनेछ ।’
बन्दरगाह सञ्चालनका लागि सरकारले निर्णय गर्नुपर्ने छ । यसका लागि आवश्यक छलफल भइरहेको उनले बताए ।
उनले भने, ‘हामीले संरचना निर्माण भएको जानकारी सरकारलाई दिइसकेका छौँ, अब सरकारले पनि छिट्टै सञ्चालन गर्ने सोच बनाएको बुझिएको छ ।’
कस्तो छ संरचना ?
२ सय २० रोपनीमा फैलिएको सुख्खा बन्दरगाहमा ३ वटा मुख्य गेट राखिएको छ । मास्टरप्लान अन्तर्गत यी गेटहरू बनाइएका छन् ।
३ वटा भवन बनाइएको छ, जसमा प्रशासनिक, भन्सार तथा क्वारेन्टीनको अलग–अलग भवन निर्माण गरिएको छ ।
बन्दरगाहमा ३ ठूला गोदाम निर्माण भएको छ । ३ वटा स्टफिङ/डिस्टफिङ भन्ने संरचना बनाइएको छ । जसमा सवारी साधनले ल्याउने सामानहरूलाई भन्सार प्रयोजनका लागि चेकजाँच गर्ने तथा लोड/अनलोड गर्ने सुविधा छ ।
यस्तै बन्दरगाहमा पार्किङ यार्ड र कन्टेनर पार्किङ यार्ड निर्माण गरिएको छ । यसमा आवश्यक लाइटिङ सिस्टम, इलेक्ट्रिक सब स्टेसन तथा सीसी क्यामेराहरू पनि जडान भइसकेको छ ।
बन्दरगाहलाई २ भागमा विभाजन गरिएको छ, एउटा आन्तरिक र अर्को बाह्य । कसैले काठमाडौंका लागि पार्किङ गर्न चाहेमा त्यो सुविधा पनि छ । यहाँ सामान केही दिनका लागि राख्छु वा सवारी साधन ल्याएर केही दिनका लागि पार्किङ गर्छु भनेमा पनि सुविधा उपलब्ध छ ।
मास्टरप्लान अनुसार यस पार्किङमा ५ सय कन्टेनर तथा अन्य ५ सय सवारी साधन राख्न सकिने प्राधिकरणका कार्यकारी निर्देशक गजुरेलले जानकारी दिए ।
त्यहाँ भइरहेका गतिविधिहरूको सुक्ष्म निगरानीका लागि सीसी क्यामेरा पनि बन्दरगाहमा राखिएको छ ।
बन्दरगाहमा ठूला मालबाहक सवारी साधनहरूका कारण निस्कने ध्वनी नियन्त्रणका लागि प्रणाली विकसित गरिएको छ ।
कार्यकारी निर्देशक गजुरेलले भने, ‘हामीले यहाँ साउन्ड ब्यारियर इन्स्टल गरेका छौँ, यसले ध्वनि नियन्त्रण गर्न सहज हुनेछ ।’
विश्व बैंकको १ अर्ब ८० करोड ऋण सहायतामा बन्दरगाह निर्माण भएको छ, जसमध्ये १ करोड ६० करोड बन्दरगाह निर्माणमा र बाँकी २० करोड कार्यालय निर्माणमा खर्च भएको बताइएको छ ।
चीनको साक्षी र नेपालको आशिष निर्माण कम्पनीले बन्दरगाह निर्माणको ठेक्का पाएका थिए ।
वि.सं. २०७५ माघ ३ गते तत्कालीन प्रधानमन्त्री केपी शर्मा ओलीले शिलान्यास गरेको बन्दरगाह निर्माणको काम साढे २ वर्षमा सकिन लागेको हो ।
१८ महिनामाा निर्माण सम्पन्न गर्ने समझदारी भएपनि विभिन्न कारणले ढिलाइ हुँदा साढे २ वर्षमा बन्दरगाहको संरचना तयार भएको कार्यकारी निर्देशक गजुरेलको भनाइ छ ।
स्थानीयको विवाद र कोरोनाका कारण एक वर्ष यसको काम नभएको उनले सुनाए ।
मालबाहक गाडीको जाँच पासमा सहज
वीरगञ्ज, विराटनगर, भैरहवा, काँकडभित्ता, तातोपानीलगायतका स्थानमा बन्दरगाह सञ्चालनमा छन् ।
काठमाडौंमा कुनै देशको सीमा नजोडिएको भएपनि बाहिरबाट आयात हुने करीब ६० देखि ७० प्रतिशत वस्तुको उपभोग काठमाडौंबाट हुने भएकाले यसलाई मध्यनजर गर्दै बन्दरगाह निर्माण गरिएको हो ।
यहाँ बन्दरगाह सञ्चालनमा आएसँगै भन्सारमा चाप घट्ने अपेक्षा गरिएको छ ।
काठमाडौँ तराई फास्ट ट्र्याक बनिसकेपछि वीरगञ्जबाट आउने सामानका लागि दूरी कम हुन्छ, भने यसले खर्च घटाउने छ ।
यसो हुँदा व्यापार सहजीकरण, व्यापारी तथा व्यवसायीलाई नयाँ संरचनाका साथ सुविधा मिल्नेछ ।
यति मात्रै नभएर आगामी दिनमा काठमाडौंबाट निर्यात हुने वस्तुहरू सुख्खा बन्दरगाहबाटै गर्न सकिनेछ ।
आगामी दिनमा चीन र भारतबाट रेल आएमा पनि यो जंग्सन पोइन्टको रूपमा विकास हुने बताइएको छ ।
कहिले आउँछ सञ्चालनमा ?
संरचना निर्माणको काम सकिएपनि यो कहिले सञ्चालनमा आउँछ, भन्ने चाहिँ यकिन भैसकेको छैन ।
बन्दरगाह सञ्चालनका लागि उद्योग, वाणिज्य तथा आपूर्ति मन्त्रालय, अर्थ मन्त्रालय र यससँग सम्बन्धित निकायहरूले छलफल गरिरहे पनि मिति तोकिएको छैन ।
उद्योग, वाणिज्य तथा आपूर्ति मन्त्रालयका सहसचिव एवं प्रवक्ता नारायणप्रसाद रेग्मीले अन्तरसम्बन्धित निकायहरूबीच बन्दरगाह सञ्चालनका लागि छलफल भइरहेको बताए ।
उनले भने, ‘हामीले अन्तरसम्बन्धित निकायहरूसँग छलफल गरिरहेका छौँ, अब छिट्टै सञ्चालनमा आउँछ ।’
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...