भक्तपुर लोकन्थलीकी शान्ता अधिकारी सुवेदीको नयाँ भजन सार्वजनिक भएको छ । शान्ता विशेष गरी भजन गायन विधामा सक्रिय छिन् । 

हालै उनले सार्वजनिक गरेको 'पाथिभरा माता' बोलको भजन पाथिभरा माताको महिमाको विषयमा केन्द्रित छ । 

नेपालको पूर्वी भाग ताप्लेजुङ अवस्थित पाथिभरा माताको दर्शन गर्नाले आफूले चिताएको मनोकामना पूरा हुने धार्मिक विश्वास छ । 

यसैबीच भजन गायिका शान्ता पनि ताप्लेजुङ  अवस्थित पाथिभरा माताको दर्शन गरेपछि उक्त ठाउँको वर्णन गरी आन्तरिक पर्यटन बढाउनका लागि भजन गाएको बताउँछिन् । 

पाथिभरा माता बोलको भजनमा शब्द/संगीत/स्वर स्वयं गायिका शान्ताको हो । भजनका निर्माता नवराज सुवेदी हुन् भने संगीत संयोजन शीलाबहादुर मोक्तानको रहेको छ ।