गत शनिवार क्रिसमसको दिन बेलायतमा एकजना व्यक्तिलाई पक्राउ गर्नुको कारण खुलेको छ ।

ती व्यक्तिले स्न्यापच्याट नामक यापको भिडियोमा कालो हूडी र सेतो मास्क लगाएको अनि धनुषवाण भिरेको देखिन्छ । आवाज बदलेर उनले भनेको सुनिन्छ, ‘मैले गरेको काम र गर्न लागेको कामका विषयमा म क्षमाप्रार्थी छु । म रानी एलिजाबेथलाई मार्न कोशिश गर्नेछु ।’

भिडियो शेयर भएको २४ मिनेटपछि सशस्त्र प्रहरीले रानीको निवास विन्डसोर क्यासलको प्रांगणमा एकजना व्यक्तिलाई पक्राउ गरेको द सन पत्रिकाले लेखेको छ । 

ती व्यक्ति डोरीको भर्‍याङ बनाएर क्यासलको बाहिरी पर्खाल नाघी भित्र पुगेका थिए । उनलाई सीसीटीभी क्यामरामा देखिएको थियो र अलार्म पनि बजेको थियो । त्यतिखेर रानी ब्रेकफास्ट लिइरहेकी थिइन् । प्रहरीले उनी र राजपरिवारका अन्य सदस्यलाई खबर गरेको थियो । 

ती व्यक्ति जलियानवाला बाग हत्याकाण्डको बदला लिन पुगेका थिए । भारतको पञ्जाब राज्यमा रहेको जलियानवाला बागमा बेलायती उपनिवेशको समयमा बृलायती सैनिकहरूले ३७९ जना प्रदर्शनकारीको हत्या गरेका थिए । घटनामा १२ सयभन्दा बढी मानिस घाइते भएका थिए । 

भारतीय सिख मानिस पक्राउ परेका हुन् । 

उनले आफ्नो नाम जसवन्त सिंह चैल भएको बताए । उनले स्टार वार्स फिल्मबाट प्रेरित भएर कालो लुगा र सेतो मास्क लगाएका थिए । 

ती व्यक्तिलाई मानसिक स्वास्थ्य ऐनअन्तर्गत पक्राउ गरिएको छ । अभियोजन चलुन्जेल उनलाई मानसिक उपचार कक्षमा राखिनेछ ।
 

This is Jaswant Singh Chail who was arrested at Windsor Castle armed with a crossbow.

He said he planned to assassinate the Queen in revenge for 1919 Amritsar massacre & also for people discriminated against because of their race https://t.co/FqyFp1Q8AW pic.twitter.com/Tkolt2NlvN

— LilMems (@LiliMems) December 26, 2021