स्थानीय तह निर्वाचनका क्रममा शुक्रवार ६७ ठाउँमा झडप भएको छ । 

प्रहरी प्रवक्ता वरिष्ठ प्रहरी उपरीक्षक (एसएसपी) विष्णुकुमार केसीका अनुसार दिउँसो साढे ४ बजेसम्म ६७ ठाउँमा झडप भएका छन् । 

झडप भएकामध्ये ३१ ठाउँमा पुनः मतदान सुचारु भएको छ । ३४ वटा मतदानस्थलमा मतदान ठप्प छ । त्यसमध्येमा पनि २० ठाउँमा मतदान शुरू हुने अवस्थामा रहेको प्रवक्ता केसीले लोकान्तरलाई बताए ।

निर्वाचन पुनः शुरू भएलगत्तै दोलखा, रामेछाप, रुकुमपश्चिम, धनुषा, पर्सा, डोल्पा, गोरखालगायतका जिल्लाहरूमा धेरै झडप भएका छन् । प्रहरीले घटना नियन्त्रण लिनका लागि देशभरमा १०० राउण्डभन्दा धेरै हवाई फायर गरेको छ । झडपका क्रममा २ दर्जनभन्दा धेरै घाइते भएका छन् ।