श्रम संस्कृति पार्टीले प्रतिनिधिसभा बैठकमा बिहीबार पनि विरोध जनाएको छ ।

सभामुखले बैठक शुरू भएको घोषणा गरेलगत्तै श्रम संस्कृति पार्टीका अध्यक्ष हर्क साम्पाङ प्लेकार्ड बोकेर उठेका थिए ।

त्यसपछि सभामुखले साम्पाङलाई बोल्न समय दिएका थिए ।

उनले नेपालले भारतको सीमा मिचेको भनेर प्रधानमन्त्री वालेन्द्र शाहले दिएको अभिव्यक्ति संसदको रेकर्डबाट हटाउनुपर्ने माग गरे ।

'हाम्रो माग एउटै छ, प्रधानमन्त्रीको अभिव्यक्ति संसदको रेकर्डबाट हटाउनुपर्छ,' उनले भने ।

यसअघि बुधबार पनि बैठकमा बोल्न नदिएको भन्दै श्रम संस्कृतिका सांसदहरूले चर्को विरोध गरेका थिए ।

उनीहरूले वेल घेरेर लामो समय नाराबाजी गरेपछि सभामुखले बोल्नका लागि समय दिएका थिए ।