शहरी विकास मन्त्रालय अन्र्तगत संघीय आयोजना कार्यान्वयन इकाई रुपन्देहीले निर्माण गरेको प्रसूती भवन लुम्बिनी प्रादेशिक अस्पताल बुटवललाई हस्तान्तरण गरिएको छ ।

बुधवार शहरी विकास मन्त्री मेटमणि चौधरी र स्वास्थ्य तथा जनसंख्या मन्त्री भवानीप्रसाद खापुुङले संयुुक्त रूपमा ४ तले सुविधा सम्पन्न प्रसूती भवनको उद्घाटन गर्दै अस्पताललाई हस्तान्तरण गरेका हुन् ।

प्रसूुतीका लागि भरपर्दो मानिएको लुम्बिनीमा शय्या अभाव भएको गुनासो आएपछि १५० शय्याको प्रसूती भवन निर्माण गरिएको छ ।  

शहरी विकास मन्त्रालयअन्तर्गत संघीय आयोजना तथा कार्यान्वयन इकाई रुपन्देहीले २६ करोड ५१ लाख ७५ हजार लागतमा भवन निर्माण गरेको हो । उद्घाटन समारोहमै मन्त्रीद्वयको उपस्थितिमा आयोजना इकाई कार्यालयले लुम्बिनी प्रादेशिक अस्पताललाई भवन हस्तान्तरण समेत गरेको छ ।

कार्यक्रममा बोल्दै शहरी विकास मन्त्री मेटमणि चौधरीले प्रसुति भवनले बुुटवल र आपासका बिरामीहरूलाई ठूलो राहात पुुग्ने बताए । उनले भवनको अधिकतम उपयोग गर्न अस्पताललाई आग्रह गरे ।

अस्पतालले बिरामीलाई सहज रूपमा सर्वसुलभ र गुुणस्तरीय सेवा दिनुपर्ने मन्त्री चौधरीले बताए । 

कार्यक्रममा स्वास्थ्य मन्त्री भवानीप्रसाद खापुुङले मुटुु, मिर्गाैला तथा क्यान्सर जस्ता रोगका कारण बर्सेनि ५ लाख नेपालीहरू गरीबीको रेखामा पर्ने गरेको तथ्यांक देखिएको बताउँदै अब सरकारी अस्पतालको सेवा गुणस्तरीय बनाउनुुपर्ने बताए ।

उनले स्वास्थ्य मानव सेवा भएकाले भवन निर्माणले आमा र बच्चाको स्वास्थ्यमा गुुणस्तरीय सेवा दिने विश्वास व्यक्त गरे । मन्त्री खापुुङले सरकार नागरिकको स्वास्थ्यमा संवेदनशील रहेको बताए । 

कार्यक्रममा स्वास्थ्य तथा जनसंख्या मन्त्रालयका महानिर्देशन सुरेन्द्रमोहन श्रेष्ठ, शहरी विकास मन्त्रालयका सचिव डा. रमेशप्रसाद सिंह, लुम्बिनी प्रदेशका स्वास्थ्य तथा जनसंख्या मन्त्रालयका सचिव डा. विकास देवकोटा, रुपन्देहीका प्रमुख जिल्ला अधिकारी भरतमणि पाण्डेले प्रसूती भवन निर्माणले लुम्बिनीको सेवालाई गुणस्तरीय बनाउन टेवा पुुग्ने बताए ।

कार्यक्रममा संघीय आयोजना कार्यान्वयन इकाई रुपन्देहीका प्रमुख रमेश थिङले २०७५ सालमा सम्झौता भएको भवन निर्धारित समयमै सम्पन्न भएको जानकारी दिए ।  

लुम्बिनी प्रादेशिक अस्पताल बुटवलका मेडिकल सुुपरिन्टेन्डेन्ट डा. इन्द्र ढकालले सुविधा सम्पन्न प्रसूती भवन बनेकाले यसले नागरिकलाई राहात पुुग्ने बताए । उनका अनुसार लुम्बिनी प्रादेशिक अस्पतालमा वार्षिक १३ हजारले प्रसूती सेवा लिन्छन् ।   

अपाङ्गमैत्री र लिफ्टको व्यवस्था रहेको भवनमा इर्मेजेन्सी, आईसीयूू, एनआईसीयूू, मेजर एण्ड माइनर, ओटी, पोस्ट अपरेसन रुम, मातृशिशुु वार्ड, सम्पूर्ण बच्चाहरूको खोप लगाइने लगायतका कक्षहरू बनाइएको छ ।