फागुन ८, २०८०
लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् । उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा ...
सांगीतिक क्षेत्रमा यतिबेलाका चल्तापुर्जा निर्देशक मानिन्छन् काजिश श्रेष्ठ । ५०० भन्दा बढी म्युजिक भिडियोको निर्देशन गरिसकेका श्रेष्ठका ‘धनगढीको बसमा’, ‘सुर्ति माड्दै माड्दै’, ‘पछ्यौरी लिसियो’, ‘कल्ले बोलायो’, ‘बाजा बजाउँदै’ लगायतका गीत करोड क्लबमा प्रवेश गरेका छन् ।
एकपछि अर्को सफल म्युजिक भिडियो दिइरहेका निर्देशक श्रेष्ठ कसरी गर्छन् सुटिङअघिको तयारी ? उनकै शब्दमा –
लगानी, कलाकारबारे मन्थन
निर्देशनका लागि कुरा आएपछि गीत ध्यान दिएर सुन्छु । गीत सुनेपछि लगानी र कलाकारहरूबारे छलफल हुन्छ । कति लगानी हुने ? कलाकारहरू को–को राख्ने भन्नेबारे सल्लाह हुन्छ । कोरस डान्सरहरू कति राख्ने ? कहाँ छायांकन गर्ने ? ड्रेसअप, सेट डिजाइन लगायतका विषयमा पनि छलफल हुन्छ ।
१०–१२ पटकसम्म गीत सुन्छु
आफूले निर्देशन गर्ने तय भएपछि गीत निरन्तर सुनिरहन्छु । १–२ पटक मात्रै होइन, प्रायः गीतहरू १०–१२ पटकसम्म सुन्छु । म बाइकमा यात्रा गर्दा समेत कानमा हेडफोन लगाएर गीत पटक–पटक सुन्ने गरेको छु ।
भिडियोको कन्सेप्ट चेन्ज भइरहेको हुन्छ
धेरैपटक एउटै गीत सुनेर होला, अब यो शब्द/यो म्युजिक आउँछ भन्ने कुरा दिमागमा ‘सेट’ भइसकेको हुन्छ । गीत सुनिरहँदा आफैं दिमागमा भिडियोको ‘कन्सेप्ट’ बनिसकेको हुन्छ । यद्यपि फेरि गीत सुन्दा अर्को नयाँ कन्सेप्ट आउँछ । दिमागमा कन्सेप्टहरू परिवर्तन भइरहेको हुन्छ । अन्ततः गीतको भावअनुसार एउटा कन्सेप्ट सेट गरेर त्यो नोटबूकमा टिपोट गर्छु ।
कतिपयमा रेकर्डिङदेखि सँगै हुन्छु
कुनै–कुनै गीतहरूको सन्दर्भमा भने रेकर्डिङको समयदेखि नै मसँगै हुन्छु । गायक/गायिका एवं लगानीकर्ताहरूको आग्रहमा रेकर्डिङदेखि सँगै रहेर भिडियोका लागि ‘होमवर्क’ थालिएको हुन्छ । १ महिनाअघि सार्वजनिक ‘धनगढीको बसमा लाहुरे झोलाको’ त्यसरी नै तयारी गरिएको थियो । ‘धनगढीको बसमा’ निकै चलेको गीत थियो । दोस्रो पार्टका लागि चुनौती थियो । त्यसकारण पनि पहिल्यैदेखि छलफल गरेर राम्रो काम गर्ने प्रयास गरिएको थियो । त्यो गीत राम्रो पनि भयो । यसरी काम गरिएको गीतहरू भने एकदमै कम हुने गरेका छन् ।
डान्स प्राक्टिस
कतिपय गीतको सन्दर्भमा सुटिङको १–२ दिनअघि कलाकारहरूलाई बोलाएर डान्स प्राक्टिस समेत गर्ने गरेको छु । विशेषगरी डान्सिङ बिटको गीतमा सुटिङमा सहज होस् भन्ने हेतुले ‘डान्स प्राक्टिस’ गराउने गरेको हुँ ।
कतिपय अवस्थामा डान्स प्राक्टिसका लागि कलाकारहरूले समय दिन भ्याउनुहुन्न । चलेका कलाकारहरूलाई डान्स प्राक्टिसमा आउने समय हुँदैन पनि । त्यस्तो अवस्थामा भिडियोमा दिन्ुपर्ने डान्स स्टेपहरू आफूले सिकेको हुन्छु । राति १२–१ बजेसम्म बसेर आफैं नाचेर, आफू पर्फेक्ट भएर अर्को दिन सुटिङमा जान्छु । कहिलेकाहीँ आफूले प्राक्टिस गरेको डान्स स्टेपहरूको भिडियो मोबाइलमा खिच्ने गरेको छु भने कहिलेकाहीँ त्यस्तो स्टेपहरू दिमागमा सेट गरेर जाने गरेको छु । ताकि सुटिङमा पुगेर कलाकारहरूलाई सिकाउन सजिलो होस्, सुटिङ पनि सहज तरिकाले सकियोस् ।
विगतभन्दा फरक गर्ने कोसिस सधैं रहन्छ
ड्रेसअपमा विशेष ध्यान दिने गरेको छु । भिडियो राम्रो देखाउन, कलाकारहरूलाई आकर्षक देखाउन ड्रेसअपको पनि विशेष भूमिका हुन्छ । त्यसकारण पनि ड्रेस छान्न प्रायः म आफैं पुगिरहेको हुन्छु । डान्सिङ बिटको गीतमा डान्स स्टेपहरू केही फरक गरौं भन्ने हुन्छ । लोकेसन पनि फरक देखियोस् भन्ने कुरामा ध्यान दिन्छु । भिडियोको कथाका लागि पनि मेहनत गर्ने गरेको छु । सम्पूर्ण हिसाबले भिडियो पृथक र आकर्षक बनोस् भन्ने सधैं नै रहन्छ । यद्यपि ड्रेसअप, लोकेसन, कोरस लगायतका कुरामा गीत कस्तो हो ? त्यो कुराले नै मुख्य भूमिका खेल्छ । टीम, उपकरणहरूको सम्पूर्ण चाँजोपाँचो प्रोडक्सन म्यानेजरको सहायतामा बन्दोबस्त भएको हुन्छ ।
लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् । उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा ...
लोकदोहोरी र आधुनिक गीतमा रुचाइएका गीतकार एवं संगीतकार राजकुमार बगरको स्वरमा ‘आँखैमा थियौ सानु’ बोलको गीत सार्वजनिक गरिएको छ । बगरकै शब्द एवं संगीत रहेको गीतमा उनीसँगै चर्चित गायिका...
युवा लोकगायक अर्जुन सापकोटाले दाङको हापुरे महोत्सवमा दर्शक झुमाएका छन् । आइतवार मुख्य आकर्षणका रुपमा उपस्थित उनले आफ्ना चर्चित गीतहरू प्रस्तुत गरे । ‘हावा चिसो चिसो’, ‘पानी परेको...
ओमनको साङ्गीतिक कार्यक्रम सकेर फर्किएकी गायिका रचना रिमाल देशभित्रका मेला–महोत्सवमा व्यस्त हुन थालेकी छिन् । विदेशको कार्यक्रम सकेर फर्किएसँगै केही गीत रेकर्ड गराएकी उनी फेरि महोत्सवमा पुग्न थालेकी...
बलिउडमा कलाकारको पारिश्रमिकलाई लिएर निकै चर्चा हुन्छ । विशेषगरी चलचित्रका स्टारहरूको पारिश्रमिकबारे सञ्चारमाध्यममा प्रशस्त समाचार बन्छन् । नेपालमा पनि बेलाबेलामा चलचित्रका स्टार कलाकारहरूको पारिश्रम...
प्रकाश सपूत र सनिशा भट्टराईको अभिनयमा ‘फूलमाया कान्छी’ बोलको गीत सार्वजनिक भएको छ । सोमवार सार्वजनिक यो माया प्रेममा आधारित गीत हो । गीतमा योगेश काजी शाह र शान्तिश्री परियारको स्वर छ । यसमा कृष्ण...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...