×

NMB BANK
NIC ASIA

सत्ताको रस्साकस्सी

प्रचण्डलाई देउवाको आग्रह– पावर शेयरिङको छलफल संसदीय दलको चुनावपछि मात्र गरौं

राष्ट्रपति पनि आफैं राख्ने दाउमा कांग्रेस, एउटा तप्का महन्थका लागि लबिङमा

मंसिर २३, २०७९

NTC
Sarbottam
फाइल फोटो
Premier Steels
Marvel

नेपाली कांग्रेसका सभापति एवं प्रधानमन्त्री शेरबहादुर देउवाले कांग्रेस संसदीय दलको चुनावपछि मात्र शक्ति बाँडफाँटको छलफल गर्न प्रस्ताव गरेका छन् । 

Muktinath Bank

चुनावपछिको नयाँ सरकार गठनबारे विभिन्न अड्कलबाजी भइरहेको समयमा गठबन्धनमा यसबारे खास छलफल हुन नसकेको हो ।


Advertisment
RMC TANSEN
IME BANK INNEWS
shivam ISLAND

माओवादी केन्द्रका अध्यक्ष पुष्पकमल दाहाल प्रचण्डसँग प्रत्यक्ष र नेताहरूमार्फत भइरहेको संवादमा देउवाले कांग्रेस संसदीय दलको चुनावपछि पावर शेयरिङबारे छलफल गर्न प्रस्ताव गरेका हुन् । चुनावपछि प्रचण्डले देउवासँग तीनपटक छलफल गरिसकेका छन् । 


Advertisment
Nabil box
Kumari

सत्ता गठबन्धनका चार दलले संयुक्त वक्तव्यमार्फत यही गठबन्धनलाई निरन्तरता दिने प्रतिबद्धता जनाइसकेका छन् ।  सोमवार बालुवाटारमा बसेको गठबन्धनको बैठकले निर्वाचन आयोगले समानुपातिकतर्फका सांसदलाई समेत प्रमाणपत्र दिएपछि पावर शेयरिङको विषयमा छलफल आरम्भ गर्ने बताएका थिए । 

Vianet communication
Laxmi Bank

‘पावर शेयरिङमा अहिलेसम्म औपचारिक छलफल भएको छैन । देउवाले संसदीय दलको चुनावपछि मात्र गरौं भनेर प्रस्ताव गर्नुभएको छ,’ माओवादी स्रोतले बिहीवार लोकान्तरसँग भन्यो । संसदीय दलको नेता बन्न कांग्रेसभित्र बहुपक्षीय प्रतिस्पर्धा हुने देखिएको छ । 

चुनाव जितेका र समानुपातिकको बन्दसूचीमा रहेका सांसदका कारण संसदीय दलको नेता निर्वाचित हुनेमा देउवा विश्वस्त छन् । प्रधानमन्त्री बन्न संसदीय दलको नेता बन्नुपर्ने भएकाले देउवाले पहिलो मिसन संसदीय दलको नेता बन्ने बनाएका छन् । 

बधाई दिन बालुवाटार पुगेका सांसदहरूलाई उनले संसदीय दलमा सघाउन आग्रह गरिरहेका छन् ।

मंगलवार बालुवाटार पुगेका पूर्व महामन्त्री डा. शशांक कोइरालासँग देउवाले संसदीय दलको नेतामा सघाउन आग्रह गरेका थिए ।

प्रधानमन्त्री बन्न प्रचण्डको कसरत

संसदीय दलको चुनाव पर्खिन आग्रह गरेका देउवाले फेरि प्रधानमन्त्री बन्ने चाहना देखाए पनि माओवादी अध्यक्ष पुष्पकमल दाहाल ‘प्रचण्ड’ले समेत प्रयास छाडेका छैनन् ।

‘संसदीय दलको नेता बनेर देउवाले फेरि प्रधानमन्त्री बन्ने आकांक्षा देखाउनुभयो । सरकारको नेतृत्वका लागि हाम्रो पनि प्रयास जारी छ,’ प्रचण्डलाई भेटेका माओवादीका एक प्रभावशाली नेताले भने । 

माओवादीले तीनवटा कारण देखाउँदै कांग्रेससँग नयाँ सरकारको नेतृत्व दाबी गरेको छ । शेरबहादुर देउवालाई दुईपटक प्रधानमन्त्री बनाउन मद्दत गरेको, केपी ओलीले संसद् विघटन गरेका बेला आन्दोलनको नेतृत्व गरेको र चुनावअघि नेताहरूबीच भएको भद्र सहमति पालना गर्न भन्दै माओवादीले नयाँ सरकारको नेतृत्वमा दाबी गरिरहेको हो ।

नयाँ सरकारको नेतृत्व दाबी गरेका प्रचण्डले राजनीतिक भेटवार्तालाई तीव्र बनाएका छन् । प्रचण्ड र नेपाल समाजवादी पार्टीका नेता डा. बाबुराम भट्टराईले शुक्रवार नेपाली कांग्रेसका वरिष्ठ नेता रामचन्द्र पौडेललाई भेटेका छन् ।

सिंहदरवारस्थित माओवादी संसदीय दलको कार्यालयमा भएको भेटमा सरकार गठनलगायत समसामयिक घटनाक्रमबारे छलफल भएको थियो । 

प्रचण्डले कांग्रेसका दोस्रो तहका नेताहरूसँग पनि बाक्लो छलफल गरिरहेका छन् । 

कांग्रेस उपसभापति पूर्णबहादुर खड्का, गृहमन्त्री बालकृष्ण खाँणलगायत नेतासँग प्रचण्डले छलफल गरेका छन् । 

गठबन्धनको पक्षमा बहुमत जुटाउन प्रचण्डले संसदमा ४ सीट रहेको नागरिक उन्मुक्ति पार्टीका अध्यक्ष रेशम चौधरीलाई जेलमै पुगेर भेटेका छन् भने प्रभु साहलगायत स्वतन्त्रसँग पनि सम्पर्क बढाएका छन् । 

माओवादीभित्र संसदीय दलको नेताका लागि प्रचण्डलाई चुनौती दिने नेता फेला परेका छैनन् ।

राष्ट्रपति–प्रधानमन्त्री दुवैमा कांग्रेसको दावी

पावर शेयरिङमा ठोस छलफल शुरू नभए पनि सरकारको नेतृत्व आलोपालो गर्ने प्रस्तावसहित राष्ट्रपति पद सुरक्षित गर्न खोजेको सन्देश गठबन्धनका दललाई दिएको छ ।

पहिलो एक वर्ष या दुई वर्षपछि प्रधानमन्त्री दिने प्रतिबद्धतासहित माओवादीलाई सभामुख लिन आग्रह गर्ने कांग्रेस स्रोत बताउँछ । 

कांग्रेसमा डा. शेखर कोइरालालगायत नेताहरू राष्ट्रपति कांग्रेसले राख्नुपर्ने लबिङमा छन् ।

कोइराला लगायतका नेताहरू शेरबहादुर देउवालाई राष्ट्रपति बन्न आग्रह गर्ने योजनामा छन् । 

पढ्नुहोस्, यो पनि :

शुरूमा आफैंले नेतृत्व गरे पनि गठबन्धन बचाइराख्न केही समयपछि माओवादीलाई सरकारको नेतृत्व दिनैपर्ने कांग्रेसको बुझाइ छ । प्रधानमन्त्री लिनका लागि राष्ट्रपति माओवादीलाई दिन नहुने मत कांग्रेसमा बलियो छ ।

अहिले राष्ट्रपति माओवादीलाई दिएमा केही समयपछि प्रधानमन्त्री र राष्ट्रपति एउटै पार्टीसँग हुने र आफूहरू पावरविहीन बन्ने भयमा कांग्रेस नेताहरू देखिन्छन् ।

भावी प्रधानमन्त्रीसँगै राष्ट्रपति को बन्छ भन्नेमा कूटनीतिक वृत्त समेत सक्रिय बनेको छ ।

पहिलो कार्यकालमा माओवादीलाई सभामुख, नेकपा एसलाई उपराष्ट्रपति र साना दललाई मन्त्री दिएर गठबन्धन बनाउने कांग्रेसको प्रयास रहेको नेताहरू बताउँछन् । 

राष्ट्रपतिका लागि लोसपा अध्यक्ष महन्थ ठाकुरको नाम पनि चर्चामा रहेको स्रोतहरूको दाबी छ ।

सत्ता गठबन्धनको आडमा महन्थले महोत्तरी– ३ बाट चुनाव जितेका थिए । ठाकुरलाई राष्ट्रपति बनाउन एउटा पक्षले लबिङ गरिरहेको कांग्रेस स्रोत बताउँछ ।

hAMROPATRO BELOW NEWS
TATA Below
माघ २, २०८०

आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...

मंसिर २६, २०८०

दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...

पुस १८, २०८०

देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...

मंसिर १०, २०८०

सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...

मंसिर १९, २०८०

कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...

माघ १८, २०८०

चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...

ज्ञान र विज्ञानको भण्डार

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

अब चेत आफैंभित्र उमार्नु छ, २०८१ ले सम्पूर्ण मनोक्रान्तिको आमन्त्रण गरोस्

बैशाख १, २०८१

आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...

दाम्पत्य जीवनको दाम्लो

दाम्पत्य जीवनको दाम्लो

चैत २४, २०८०

दाम्पत्य जीवनको मूलभूत आधार भनेको विवाह संस्कार हो ।  यस संस्कारले उमेर पुगेका केटाकेटीलीलाई आपसमा मिलेर जीवनरथ अघि बढाउने स्वीकृति दिएको हुन्छ । यसो त संस्कारहरू धेरै छन् । तिनमा १६ संस्कार विशेष महत्व...

x