डि.आर सुजन फिल्मस् प्रा.लिले ‘सेतो घर’ नामक सिरियलको प्रशारण सुरु गरेको छ । 

साप्ताहिक रुपमा सार्वजनिक गरिने यो सेन्टिमेन्टल सिरियलको तीन भाग प्रशारणमा आइसकेको छ । 

डि..आर सुजनको कन्सेप्ट, कथा एवं निर्देशनमा सिरियलको निर्माण एवं प्रशारण सुरु भएको हो । निर्देशक सुजनले यस सिरियललाई ‘उहिलेका कथा’ भनेका छन् । 

दर्जनौं म्युजिक भिडियोको निर्देशन एवं थुप्रै भिडियोमा अभिनय गरिसकेका उनले सामाजिक कथामा सिरियलको निर्माण सुरु गरिएको बताए । 

सिरियलमा दर्शकहरूले पुराना–नयाँ कलाकारहरूको अभिनय हेर्न पाउनेछन् ।

देशभक्त खनाल, विद्या कार्की, लक्ष्मण विक्रम बस्नेत, डि.आर. सुजन, प्रिया पोखरेल, नीना बुढाथोकी, सूर्य वली, अर्जुन कार्की लगायतका कलाकारहरूको अभिनय यसमा नियमित भागमा रहनेछ । 

‘आइरहेका भन्दा हाम्रो सिरियल विल्कुलै फरक भएकाले दर्शकहरुले एकदमै राम्रो प्रतिक्रिया दिनुभएको छ’ लेखक एवं निर्देशक सुजनले ‘सेतो घर’लाई आएको प्रारम्भिक प्रतिक्रियाबारे भने, ‘सबैले हौसला दिनुभएको छ । आउँदा दिनमा अझ मेहनतका साथ सिरियललाई अझ परिष्कृत गर्दै लैजानेछौँ ।’

डि.आर. सुजन फिल्मसको अफिसियल युट्युब च्यानलमा हरेक साता सिरियलको नयाँ भाग हेर्न सकिनेछ ।