०४ साउन २०८३, सोमबार
दक्षिण भारतीय फिल्म आरआरआरको नाटु नाटु गीतले प्रतिष्ठित अस्कर पुरस्कार जितेको छ ।
नाटु नाटुले पुरस्कार जितेपछि मानिसहरू यसको अर्थ खोज्न थालेका छन् ।
यस गीतलाई हिन्दीमा डब गर्दा नाचो नाचो भनिएको छ । तेलुगु भाषामा नाटुको अर्थ हुन्छ– नाच्नु ।
कन्नड भाषामा यसलाई हल्ली नातु, तमिलमा नटुटू कूथु र मलयालममा करिन्थोल भनिन्छ ।
नाटु नाटु गीतमा एमएम कीरवानीले संगीत दिएका छन् । यसका गीतकार चन्द्रबोस हुन् । उनका जेठा छोरा काल भैरवले राहुल सिप्लिगुंजसँग मिल्र यो गीत गाएका हुन् ।
यसका नृत्य निर्देशक प्रेम रक्षित हुन् ।
गीतको शूटिङ युक्रेनको राजधानी किएभमा भएको हो ।
यस गीतको नृत्यलाई कोरियाग्राफ गर्न आफूलाई दुई महिना लागेको प्रेम रक्षितले बताएका छन् । उनले अभिनेताद्वय राम चरण र जुनियर एनटीआरका लागि ११० वटा मुभ तयार गरेका थिए ।
करीब ४३ रिटेकका साथ २० दिनभित्र यस गीतलाई छायांकन गरिएको थियो । त्यो मेहनत अस्कर पाएपछि सार्थक भएको छ ।
आरआरआर फिल्म २४ मार्च २०२२ मा सार्वजनिक भएको थियो । त्यसमा राम चरण र जुनियर एनटीआरबाहेक अजय देवगण, आलिया भट्ट र श्रिया सरनको भूमिका छ ।
फिल्मले १२ सय करोड भारु कमाएको छ । यसले गोल्डन ग्लोब अवार्ड पनि जितेको छ ।
