गायक दुर्गेश थापासहित ३ जनाविरुद्ध प्रहरीमा उजुरी परेको छ ।

आफूमाथि कुटपिट गरेको भन्दै टिकटकर रिदम क्षेत्रीले प्रहरी वृत्त महाराजगञ्जमा आइतवार उजुरी दिएका हुन् ।

रिदमले दुर्गेशसहित मोडल ओबी रायमाझी र सर्जक रोशन सिंहले आफूमाथि कुटपिट गरेको बताएका छन् 

 उनले आफ्नो चेन दुर्गेशले लगेको आरोप समेत लगाएका छन् । 

प्रहरी वृत्त, महाराजगञ्जका प्रमुख (डीएसपी) अंगुर जिसीले झै–झगडाको विषयलाई लिएर उजुरी परेको लोकान्तरलाई बताए । 

‘आज छलफलका लागि दुवै पक्षलाई बोलाएका छौं,’ उनले भने । 

शनिवार मादक पदार्थ सेवन गरेर आफूलाई कुटपिट गरेको टिकटकर रिदमको आरोप छ । 

यस विषयमा बुझ्न खोज्दा दुर्गेशको फोन उठेन । उनले फेसबूकमा आइतवार एक स्टाटस लेखेका छन्, जसलाई धेरैले यही घटनासँग जोडेर बुझेका छन् ।

‘हरेक मानिसको दुईवटा जीवन हुन्छ, निजी र सार्वजनिक । मेरो निजी जीवन भनेको परिवार हो,’ उनले लेखेका छन्, ‘आफ्नो परिवारको गरिमामाथि कसैले आँच पुर्‍याउँदा कुनै पनि सन्तान चुप लागेर बस्दैन ।’