युवापुस्तामा लोकप्रिय अभिनेता अनमोल केसीले आज आफ्नो जन्मदिन मनाइरहेका छन् ।

बिहानैदेखि अनमोललाई थुप्रैले शुभकामना दिइरहेका छन् । 

अभिनेता भुवन केसीले छोरा अनमोल आफ्नो लागि ईश्वरले दिएको वरदान भएको बताएका छन् । जन्मदिनको शुभकामना दिँदै भुवनले अनमोल आफ्नो बिश्वास अनि गर्व भएको बताएका छन् । 

फेसबुकमा स्टाटस् लेख्दै भुवनले ‘संसार जित्ने साहस राख्नु छोरा’ भन्दै अनमोललाई जन्मदिनको शुभकामना दिएका छन् । 

नेपाली फिल्म क्षेत्रमा सालिन अभिनेता मानिने अनमोल ‘होस्टेल’ बाट डेब्यू गरेका थिए ।

त्यसयता केही फिल्म हिट दिएका उनको पछिल्लो फिल्म ‘छड्के २’ भने बक्स अफिसमा चिप्लिएको थियो । 

भुवनले लेखेका छन् 
अनमोल छौ तिमी, बरदान हौ तिमी
भगवानले दिएको आशिर्बाद हौ तिमी
तिमी मेरो प्यार हौ, उमङ्ग हौ
मेरो विश्वास अनि गर्व हौ 
तिमी सधै यसरी नै हाँसिरहनु ​​

करोडौं मान्छे को मनमा माया गाँसिरहनु 
जिन्दगीमा सबै सम्बन्ध टुटे पनि 
समयले सबैको साथ छुटे पनि 
जन्म जन्मान्तर म तिम्रो साथमा हुन्छु 
सन्सार जित्ने साहस राख्नु छोरा 
म तिम्रो हिम्मत अनि हौसलामा सङ्गै हुन्छु 
जन्मदिनको लाखौं लाख शुभकामना छोरा