०७ असार २०८३, आइतबार
गायक प्रकाश सपूतको गीत ‘बदला बरिलै’ हालसालै करोड क्लबमा प्रवेश गरेको छ । उनले दुई वर्षअघि सार्वजनिक गरेको यो गीत बलात्कारको विषयमा केन्द्रित छ ।
प्रकाशकै शब्द एवं संगीत रहेको गीतमा गायिका देवी घर्तीको स्वर छ ।
प्रकाशले आफ्नै कन्सेप्ट एवं निर्देशनको यसको भिडियो तयार पारेका थिए । भिडियोमा अभिनेत्री केकी अधिकारीको अभिनय छ ।
गीत सार्वजनिक भएसँगै निकै प्रशंसा गरिएको थियो ।
‘बदला बरिलै’सँगै प्रकाशका करोड क्लबमा पुग्ने गीतहरूको संख्या ९ छ ।
यद्यपि, यो संख्या उनको आफ्नै अफिसियल युट्युब च्यानलबाट सार्वजनिक गीतमध्येको हो । उनले ‘पिर’ बोलको गीत भने करोड क्लवमा पुगेपछि हटाएर फेरि अपलोड गरेका थिए ।
उनी जोडिएका करोड क्लबमा रहेका गीतहरू भने थुप्रै छन् । करोड भ्युज पाएका गीतहरू राम्रै हुन्छन् भन्ने छैन । तर, प्रकाशका गीतहरूले राम्रो भ्युज मात्र होइन्, स्रोता दर्शकबाट निकै राम्रो प्रशंसा समेत पाउँदै आएका छन् ।
यी हुन उनको युट्युब च्यानलमा सार्वजनिक करोड क्लबमा पुगेका गीत
गलबन्दी : ५ करोड ४४ लाख
कुरा बुझ्न पर्च : ३ करोड ४१ लाख
दोहोरी ब्याटल २ : २ करोड ४९ लाख
बोल माया : २ करोड १९ लाख
दोहोरी ब्याटल : १ करोड ८६ लाख
फुटेका चुरा : १ करोड ५८ लाख
पञ्चेबाजा गीत : १ करोड २३ लाख
चरर...बरर...धरर...: १ करोड ३ लाख
मेरो पनि हैन र यो देश ?: १ करोड ३ लाख
बदला बरिलै : १ करोड
