राष्ट्रिय प्रकृति संरक्षण कोषअन्तर्गत सञ्चालित सदर चिडियाखाना अनिश्चितकालका लागि बन्द गरिएको छ।

चिडियाखानाले जारी गरेको सूचनाअनुसार चिडियाखाना परिसरभित्र रहेका विभिन्न जीवजन्तुमा बर्डफ्लु संक्रमण देखिएको छ ।

संक्रमणका कारण आम सर्वसाधारण तथा दर्शकहरूको स्वास्थ्य सुरक्षालाई मध्यनजर गर्दै बिहीबार (असार ५) देखि अर्को सूचना प्रकाशित नभएसम्मका लागि चिडियाखाना बन्द गरिएको हो ।

चिडियाखानाले संक्रमण नियन्त्रण तथा स्वास्थ्य सुरक्षाका उपायहरू अपनाइरहेको उल्लेख गर्दै दर्शकहरूलाई सहयोग गर्न आग्रह गरेको छ । साथै, चिडियाखाना बन्द हुँदा पर्न गएको असुविधाप्रति क्षमा याचना समेत व्यक्त गरेको छ।

राष्ट्रिय प्रकृति संरक्षण कोषअन्तर्गत रहेको सदर चिडियाखाना ललितपुरको जावलाखेलमा अवस्थित छ।