०३ असार २०८३, बुधबार
युवा लोकगायक अर्जुन सापकोटाको नयाँ गीत ‘बम्मै जानी रेलैमा’ सार्वजनिक भएको छ ।
टिकटकमा एक किसिमको चर्चा पाएसंगै बिहीवार बेलुका यसको अफिसियल भिडियो युट्युबमा सार्वजनिक गरिएको हो ।
यो लोकदोहोरी गीतमा गायक अर्जुन र गायिका शान्तिश्री परियारको स्वर छ ।
गीतले छोटो समयमा स्रोता/दर्शकबाट राम्रो प्रतिक्रिया पाइरहेको छ । शुक्रवार बिहानसम्म भिडियोको भ्युज १ लाख नजिक पुगेको छ ।
‘टिकटक, युट्युब लगायत सबैतिर राम्रो हुँदैछ । प्रतिक्रियाहरू पनि एकदमै राम्रो आएका छन्’ गायक, संगीतकार एवं भिडियोका मोडलसमेत रहेका अर्जुनले गीतलाई आएका प्रारम्भिक चरणको प्रतिक्रियाबारे भने, ‘उत्साहित संगैसंगै राम्रो हुनेमा विश्वस्त छौँ ।’
यस गीतका शब्द गीतकार शिव हमालले कोरेका हुन् भने गायक अर्जुनकै संगीत रहेको गीतका एरेन्जर सुनिल परियार हुन् ।
काजिश श्रेष्ठको कोरियोग्राफी एवं निर्देशनमा तयार भिडियोमा अर्जुनसँगै दिव्या न्यौपाने, बादल घिमिरे र क्रिष्टल सापकोटाको अभिनय छ । निर्देशक श्रेष्ठले भिडियोलाई आकर्षक बनाएका छन् ।
अजय रेग्मीको छायाँकन रहेको भिडियोमा दिपक विष्टको सम्पादन छ ।
