०२ असार २०८३, मंगलबार
भारतको मध्य प्रदेशमा रहेको खरगोनमा विवाह समारोहको टेन्ट र मण्डप हावाहुरी चलेपछि चंगा जस्तो गरी उडेको छ ।
घटनाको भिडियो सार्वजनिक भएको छ ।
कुसुम्बिया गाउँमा दिउँसो हावाहुरी आउँदा बेस्सरी धूलो उडेको थियो । त्यसले ४५ बाई ४५ को टेन्ट र मण्डपलाई २०० फीट माथिसम्म उडाइदियो ।
हावा चलिरहँदा केही मानिसले फलामको पाइप समातेर टेन्टलाई रोक्न खोजेका थिए । तर हावाको गति देखेर मानिसहरू भागे ।
२०० फीटसम्म उडेपछि टेन्ट ११ किलोवाटको बिजुलीको लाइनमा खसेको थियो । अनि गाउँलेहरूले तत्कालै विद्युत् आपूर्ति बन्द गराए ।
यसक्रममा कसैलाई चोटपटक नलागेको बताइएको छ ।
