०१ असार २०८३, सोमबार
अभिनेता एवं मोडल पल शाह म्युजिक भिडियो छायाँकनदेखि देश विदेशका स्टेज कार्यक्रममा समेत व्यस्त छन् । उनै अभिनेता शाहले यसैसाता कतारमा आफ्नो प्रस्तुति दिँदैछन् ।
बकर इदको अवसरमा कतारको लुसेलमा अवस्थित वाटर फ्रन्ट होटलमा आयोजित इद धमाकामा उनले प्रस्तुति दिने भएका हुन् ।
वाटर गेट लाउन्ज एन्ड क्लबले आयोजना गरेको यो कार्यक्रम आगामी बिहीवार हुन लागेको हो । शाहसँगै नेपालबाट युवा पुस्ताकी चर्चित गायिका अस्मिता अधिकारी पनि कतार पुगेर उक्त कार्यक्रममा आफ्नो प्रस्तुति दिने भएकी छिन् ।
अधिकारीका लोकदोहोरीलगायत सुगम संगीतका दर्जनौं गीत हिट छन् ।
बुधवारबाट शुरू हुने इदको सार्वजनिक बिदाको अवसर पारेर ‘इद धमाका २०२३’ आयोजना गरिएको क्लब सञ्चालक उत्तम गुरुङले जानकारी दिएका छन् ।
बिहीवार दिउँसो ३ बजेबाट ९ बजेसम्म अभिनेता शाह र गायिका अधिकारीले आफ्नो प्रस्तुतिमा त्यहाँ रहेका नेपालीलाई झुमाउने आयोजकले जनाएको छ ।
