१९ असार २०८३, शुक्रबार
नेपालीहरुको रोजगारीको आकर्षक गन्तव्य बनेको दक्षिण कोरियाका लागि आवेदकको बाढी देखिएको छ । ईपीएस मार्फत कोरिया जान १ लाख ४३ हजारभन्दा बढी नेपाली युवाले आवेदन फाराम दिएका हुन् ।
ईपीएस कोरिया शाखा कार्यालयका निर्देशक गुरूदत्त सुवेदीले उत्पादनमूलक तर्फका लागि १ लाख ४३ हजार ८१२ जनाले आवेदन फाराम भरेको जानकारी दिए ।
पुस २ गतेदेखि ६ गतेसम्म फाराम भर्ने समय दिइएको थियो । कोरियाले उत्पादनमूलक तर्फका लागि १५ हजार ४४८ जना माग गरेकामा झण्डै १० गुणा बढी आवेदन परेको हो ।
