१६ असार २०८३, मंगलबार
हास्य कलाकार हरिवंश आचार्यको नाकभित्रको सानो नसा फुटेको पुष्टि भएको छ ।
आफ्नो नाकभित्रको सानो नसा फुटेको र त्यसलाई टाल्ने काम भइसकेको उनले सामाजिक सञ्जालमार्फत जानकारी दिएका छन् ।
ब्रान्ड एम्बेस्डरको सम्झौतापत्रका लागि विराटनगर आएका बेला आचार्यको नाकबाट रगत बगेपछि उनलाई अस्पतालमा भर्ना गरिएको थियो ।
विराटनगरको हिमगिरि हाइजिङको ब्रान्ड एम्बेस्डरको सम्झौतापत्रमा हस्ताक्षर गर्न महजोडी विराटनगर आएका थिए ।
उनको विराट नर्सिङ होम विराटनगरमा उनको उपचार भइरहेको छ ।
आचार्यले आफ्नो अवस्था सामान्य रहेको बताएका छन् ।
सोमबार सामाजिक सञ्जाल फेसबूकमा स्टाटस लेख्दै उनले भनेका छन्- ‘शनिबार हिमगिरि प्रालि उद्योगको आतिथ्यमा मदन दाइ र म विराटनगर आएका थियौं । अचानक नाकबाट रगत बगेर होटल नजिकै भएको सप्तकोसी अस्पताल पुगें र त्यहाँबाट विराट नर्सिङ होम ईएनटी डिपार्टमेन्टमा उपचार हुँदैछ र म सामान्य अवस्थामा छु । अस्पताल पुग्दा मेरो ब्लड प्रेसर सामान्य नै थियो ।’
उनले उपचारका संलग्न चिकित्सकको टोलीलाई धन्यवाद दिएका छन् ।
आचार्यको उपचारमा डा. राजीव शाहको टोली खटिएको छ ।
उनले आफ्नो स्वास्थ्य अवस्थालाई लिएर चासो, सहयोग र सद्भाव राख्ने सबैप्रति आभार प्रकट गरेका छन् ।
