सरकारले नेपाल चलचित्र विकास बोर्डको अध्यक्षमा दिनेश डीसीलाई नियुक्त गरेको छ । 

बिहीवार सिंहदरबारमा बसेको मन्त्रिपरिषद्को बैठकले डीसीलाई विकास बोर्डको अध्यक्षमा नियुक्त गर्ने निर्णय गरेको कृषि तथा पशुपन्छी विकासमन्त्री रामनाथ अधिकारीले लोकान्तरलाई जानकारी दिए ।   

डीसी लामो समयदेखि नेपाली चलचित्र क्षेत्रमा आबद्ध कलाकार तथा निर्देशक हुन् । उनी नेकपा (एमाले)निकट चलचित्रकर्मी मानिन्छन् । 

यस्तै सरकारले एकनारायण अर्याललाई मुख्य सचिव बनाउने निर्णय गरेको छ । मन्त्रिपरिषद्को बैठकले गृह सचिव अर्याललाई मुख्य सचिव बनाउने निर्णय गरेको हो । 

मुख्य सचिव लीलादेवी गड्तौला उमेरहदका कारण अगाामी भदौ १५ देखि अनिवार्य अवकाशमा जाने भएपछि सरकारले मुख्य सचिवमा अर्याललाई चयन गरेको हो ।