नेपाल इन्भेस्टमेन्ट मेगा बैंक लिमिटेडका ग्राहकले काठमाडौंको कमलादीमा रहेको ‘स्काईवाक टावर’मा विशेष छुट पाउने भएका छन् ।

नेपाल इन्भेस्टमेन्ट मेगा बैंक (एनआईएमबी) र वन्डर्स नेपाल प्रालि’बीच भएको सम्झौतामा एनआईएमबीका ग्राहकवर्गलाई ‘स्काईवाक टावर’ प्रवेश शुल्कमा २० प्रतिशतसम्म छुटको व्यवस्था गरिएको हो ।​

एनआईएमबीका ग्राहकले १ जनादेखि ५ जनासम्म टिकट खरिद गर्दा १५ प्रतिशत छुट र ५ जनाभन्दा बढी संख्यामा टिकट खरिद गर्दा २० प्रतिशत छुट पाउनेछन् ।

छुट लिनका लागि ग्राहकले एनआईएमबी डेबिट/क्रेडिट कार्ड वा एनआईएमबी स्मार्ट  एप (मोबाइल बैंकिङ)मार्फत भुक्तानी गर्नुपर्ने हुन्छ ।

बैंकले ग्राहकलाई डिजिटल माध्यम प्रयोग गरी भुक्तानी प्रोत्साहन गर्न विभिन्न छुट तथा सुविधाहरू दिँदै आएको छ ।

छुटको विवरण बैंकको आधिकारिक वेबसाइटमा रहेको बैंकद्वारा जारी विज्ञप्तिमा उल्लेख छ ।