नेपाली कांग्रेसका भ्रातृ संगठनहरूले पार्टी मुख्यालय सानेपामा प्रदर्शन गरेका छन् ।

नेपाल विद्यार्थी संघ, नेपाल महिला संघलगायतले सोमबार दिउँसो पार्टी मुख्यालय परिसरमा कालो पोशाकमा प्रदर्शन गरेका हुन् ।

प्रदर्शनमा सहभागी कार्यकर्ता​हरूले ‘म मेरो पार्टीले बन्धक बनाएको नेविसंघ’, ‘म ९ वर्षसम्म अधिवेशन नगराउने लोकतान्त्रिक पार्टीको नेविसंघ’, ‘म म्यादी नेविसंघ, मेरो अधिवेशन कहिले?’लगायतका प्लेकार्ड बोकेका छन् ।

उनीहरूले कालो कपडाले शरीर र अनुहार छोपेर विरोध जनाएका छन् ।

तरुण दलले भने पार्टी कार्यालय भित्रै रिले अनसन शुरू गरेको छ ।

तस्वीरहरू

​