नेपालका लागि निसान सवारी साधनको आधिकारिक वितरक पायोनर मोटो कर्प प्रालिले नाइमा मोबिलिटी एक्सपो २०२५ को अवसर पारेर ‘निसान फेस्टिभ डिल’ नामक विशेष छुट योजना सार्वजनिक गरेको छ । 

यस योजनाअन्तर्गत कम्पनीले सबै नयाँ निसान म्याग्नाइटमा विभिन्न आकर्षक सुविधासहितको अफर ल्याएको छ ।

कम्पनीका प्रबन्ध निर्देशक सन्दीप कुमार शारदाले भने, ‘हामीले यस योजना नाइमा एक्सपो २०२५ (साउन २१ देखि २५ गतेसम्म)को अवसर पारेर र आगामी चाडपर्वलाई ध्यानमा राखी ल्याएका हौं । यो अफर एक्सपो पश्चात् चाडपर्वको सम्पूर्ण अवधिभर जारी रहनेछ ।’

‘निसान फेस्टिभ डिल’ योजनाअन्तर्गत, निसान म्याग्नाइट बुक गर्ने ग्राहकले विभिन्न लाभ प्राप्त गर्नेछन् । यसमा समावेश हुने लाभमा     आकर्षक नगद छुट, नाइमा एक्सपो विशेष छुट, तीन वर्षसम्मको निःशुल्क सर्भिसिङ, तीन वर्षको वारेन्टी, एक वर्षको निःशुल्क बीमा, निःशुल्क रोड कर र डाउनपेमेन्ट ६ लाख ८० हजारमा खरिद गर्न सकिने सुविधा उपलब्ध हुने कम्पनीले जनाएको छ ।

ग्राहकहरूले सजिलो फाइनान्सिङका साथ निसान म्याग्नाइट खरिद गर्न सक्नेछन् र अफरमा उल्लेख गरिएका सबै सुविधा केही सर्तसहित लागू हुने कम्पनीले जनाएको छ । 

यस्तैगरी, निसान लिफमा ग्राहकहरूले अधिकतम २० लाख १५ जहारसम्मको फाइदा प्राप्त गर्न सक्छन् र निसान उर्बानमा शून्य प्रतिशत डाउनपेमेन्टको सुविधा उपलब्ध छ ।

पायोनियर मोटो कर्पले सम्पूर्ण ग्राहकलाई नाइमा मोबिलिटी एक्सपो २०२५ मा सहभागिता जनाई नजिकको निसान शोरूम भ्रमण गरी यो अफरको फाइदा लिन आग्रह गरेको छ ।