१० असार २०८३, बुधबार
मोरङको विराटनगर महानगरपालिका–१५ बाट प्रहरीले स्रोत नखुलेको २ लाख ५० हजार भारतीय रुपैयाँसहित १ जनालाई पक्राउ गरेको छ ।
पक्राउ पर्नेमा भारत उत्तर प्रदेशका २५ वर्षीय मनीष यादव रहेका प्रहरीले मंगलबार जानकारी दिएको हो ।
गत शनिबार दिउँसो साढे १२ बजेतिर भारतबाट नेपालतर्फ आउँदै गरेका पैदल यात्री यादवलाई शंका लागेर प्रहरी टोलीले चेकजाँच गरेको थियो ।
सो क्रममा उनले बोकेको झोलाभित्र लुकाई छिपाई ल्याएको ५०० दरका ५०० थान भारतीय नोट फेला परेको प्रहरीले जनाएको छ ।
बरामद गरिएको रकमको स्रोत खुलाउन नसकेपछि यादवलाई इलाका प्रहरी कार्यालय रानीबाट खटिएको टोलीले नियन्त्रणमा लिएको हो ।
