बुधबार काठमाडौं उपत्यकामा माघ महिना लागेयताकै कम तापक्रम देखिएको छ ।

मौसम पूर्वानुमान महाशाखाले बुधबार बिहान ५:४५ बजे मापन गरेको काठमाडौंको न्यूनतम् तापक्रम ३.५ डिग्री सेल्सियस देखिएको हो ।

मंगलबार शुरूआती मापनमा ४.५ डिग्री सेल्सियस देखिएको काठमाडौंको न्यूनतम् तापक्रम पछि घटेर ४.४ डिग्री सेल्सियस कायम भएको थियो ।

मौसम पूर्वानुमान महाशाखाका अनुसार जाडोयाम बाँकी नै रहेकाले मौसम प्रणाली भित्रिएका खण्डमा तापक्रम अझै घट्ने सम्भावना छ ।

यसरी तापक्रम घट्दो अवस्थामा रहँदा सर्वसाधारण उपत्यकाका विभिन्न स्थानमा घाम ताप्दै गरेको देखिन्छ ।