१४ असार २०८३, आइतबार
रौतहट जिल्ला अदालत, गौरमा कार्यरत डिट्ठा लवकुमार सिंह ५० हजार घुससहित पक्राउ परेका छन् ।
अख्तियार दुरुपयोग अनुसन्धान आयोगको टोलीले उनलाई मंगलबार दिउँसो रौतहट जिल्ला अदालतको परिसरबाटै नियन्त्रणमा लिएको हो ।
सिंहले अदालतको फैसला बमोजिम जग्गा फुकुवा गराई दिए बापत सेवाग्राहीसँग घुस/रिसवत माग गरिरहेको भन्ने सूचनाका आधारमा आयोगको हेटौंडा कार्यालयबाट खटिएको टोलीले उनलाई पक्राउ गरेको हो ।
सेवाग्राहीबाट उक्त रकम लिइसकेको अवस्थामा उनलाई पक्राउ गरिएको आयोगका प्रवक्ता सुरेश न्यौपानेले जानकारी दिए ।
आयोगको टोलीले उनको साथबाट १ थान मोबाइल पनि बरामद गरेको छ ।
