१६ असार २०८३, मंगलबार
काठमाडौंको दरबारमार्गबाट गैँडाको खागसहित ३ जना पक्राउ परेका छन् ।
पक्राउ पर्नेमा काठमाडौं महानगरपालिका २४ न्यूरोड बस्ने ५० वर्षीय सञ्जयमान सिंह श्रेष्ठसहित ३ जना रहेका छन् ।
उनीहरूलाई दरबारमार्गस्थित एक क्याफेबाट करिब १ किलो ७५ ग्राम तौलको गैँडाको खाग १ थानसहित मंगलबार दिउँसो पक्राउ गरिएको प्रहरीले जनाएको छ ।
प्रहरी वृत्त दरबारमार्गबाट खटिएको प्रहरीले क्याफे तलासी गर्दा उक्त वस्तु फेला पारी उनीहरूलाई पक्राउ गरेको हो ।
थप अनुसन्धान भइरहेको प्रहरीले जनाएको छ।
