काठमाडौं – २२ दिनदेखि अनशन बसिरहेका डा. गोविन्द केसीको समर्थनमा राजधानीमा प्रदर्शनको आयोजना गरिएको छ । 

डा. केसीका समर्थकहरुले डा. केसीको जीवन रक्षा, चिकित्सा शिक्षा विधेयक फिर्ताको पक्षामा नारावाजी गरेका थिए । उनीहरुले प्रधानमन्त्री केपी ओलीको विरोधमा समेत नारावाजी गरेका थिए । 

डा.केसीको मागमा सरकार गम्भीर नभएको भन्दै केसी समर्थक प्रदर्शनमा उत्रिएका हुन् । उनीहरुको आन्दोलनमा पूर्व प्रधानमन्त्री डा. बाबुराम भट्टराई, अभिनेत्री मनिषा कोइराला, नेपाली कांग्रेसका नेता तथा प्रतिनिधि सभाका सदस्य गगन थापा, पूर्व प्रधानन्यायाधीस  शुशीला कार्की, विवेकशील साझा पार्टीका अध्यक्ष रबिन्द्र मिश्र, पूर्व प्रधानन्यायाधीश सुशीला कार्की, कल्याण श्रेष्ठ, मानवअधिकारवादी कृष्ण पहाडीलगायतको पनि उपस्थिति थियो । 

र्‍यालीमा सहभागी डा. केसीका समर्थकहरुले ‘केपी ओली सरकार कस्तो श्री तीन जस्तो, डा. केसी तिमी एक्लै छैनौं हामी तिम्रो साथमा छौं,’ लगायतका नारा लगाएका थिए । केसीका समर्थकले सकारको विरोध र केसीको मागको कार्यान्वयन गर्न माग गर्दै नारा लेखिएका कागजका सेतो टोपी लगाएका थिए । 

डा. केसीका समर्थकहरुले माइतिघरबाट प्रदर्शन  गर्दै नयाँबानेश्वरमा पुगी कोणशभा गरेका थिए । कोणसभाको सुरु गर्दै डा. केसीका समर्थकहरुले  सत्याग्राही गोविन्द्र केसीको समर्थन गर्दै केपी ओली नेतृत्वको सरकारको विरोध गर्दै बेलुन उडाएका थिए । 

यसघि डा. केसीको समर्थनमा  माइतिघरमा नेपाल दरुण दलको झण्डा सहित ¥यालिमा सहभागि हुन लागेका नेपाल तरुण दलका नेता तथा कार्यकताहरु र अन्य समर्थकहरु वीच झडप समेत भएको थियो ।

दलको झण्डामा सहमागि हुन नदिएपछि तरुण दलका नेता तथा कार्यकताहरुले डा. केसीको पक्षमा छुट्छै प्रदर्शन गरेका थिए  । उनीहरुको प्रदर्शनका क्रममा भने प्रहरीसँग झडप भएको छ । दोहोरो झडपमा केही प्रहरी र एक दर्जन बढी आन्दोलनकारी घाइते भएका छन् । 

गोविन्द्र केसीका समर्थकको कोणसभा चलिरहेकै समयमा तरुण दलको समूहसँग प्रहरी झडप भएको थियो । त्यसक्रममा प्रहरीले प्रहार गरेको अश्रु ग्यासका कारण केही समयम कोणसभा रोकिएको थियो ।

केही समय पछि पुन सुरु भएको कोण सभामा बोल्दै पूर्वप्रधान न्यायाधीश सुशीला कार्कीले डा. केशीको माग समयमा सम्बोधन नगरे अझै शसक्त आन्दोलन गर्ने बताएकी छन् ।

‘डा. केसीले जनताको आवज बोलिरहेका छन्, अहिलेको सरकारले बुझि बुझि पनि बुझ पचाएकोले हामी नबोलि नहुने भएर बोल्नै पर्ने भयो,’ उनले भनिन् ।

प्रहरीले तरुण दलको र्‍यालीमा बल प्रयोग गर्नुभन्दा पहिला केसी समर्थकहरुको कोणसभामा अभिनेत्री मनिषा कोइराला, गगन थापा, रवीन्द्र मिश्र लगायतले पनि सम्बोधन गर्ने कार्यक्रम रहेको थियो । तर, वानेश्वर क्षेत्रमा तनाव भएपछि मनिषा कोइराला बिरामी परेकी थिइन् । 
 

तस्वीर-गगन अर्याल