१६ असार २०८३, मंगलबार
काठमाडौं – धेरै मानिस फेसबूक र इन्स्टाग्राममा लामो समय बिताइरहेका भेटिन्छन् । यसलाई घटाउनका लागि दुवैले एउटा नयाँ टूल लिएर आएका छन् ।
फेसबूकले ‘योर टाइम अन फेसबूक’ नामक टूल ल्याइरहेको छ । इन्स्टाग्राममा चाहिँ ‘योर एक्टिभिटी’ टस्ल आउँदैछ । यी दुवै फीचरले तपाईं एपमा कति समय बिताइरहनुभएको बताउँछ ।
गूगलले पनि यस्तै फीचर अर्को एन्ड्रोइडका लागि घोषणा गरेको छ भने एप्पल पनि आईओएसमा यसको तयारी गर्दैछ ।
नयाँ फीचरबाट प्रयोगकर्तालाई केही फाइदा अवश्य हुन्छ । फेसबूक र इन्स्टाग्रामको सेटिङमा यो अप्सन जोडेर एक्सेस गर्न सकिन्छ । प्रयोगकर्तालाई बार चार्टमार्फत सामाजिक सञ्जालमा कति समय बिताएको भनी जानकारी दिइन्छ ।
त्यसमा हप्ताभरिको रिपोर्ट त पाइन्छ नै, कति घन्टा र मिनेट फेसबूकमा बिताएको भन्ने विवरण समेत आउँछ । इन्स्टाग्राममा पनि त्यस्तै सुविधा छ ।
फीचरमा लिमिट अप्सन पनि दिइएको बताइएको छ । युजरले टाइम लिमिट समेत सेट गर्ने सुविधा छ । त्यसपछि डिभाइस आफैंले लिमिट सकिएको जानकारी दिन्छ । तर लिमिट बढाउने वा हटाउने गरेर फेरि फेसबूक वा इन्स्टा चलाउन
सक्छन् प्रयोगकर्ताले ।
फेसबूक र इन्स्टाग्राममा यो फीचरसँगै नोटिफिकेसन म्युट गर्ने सुविधा पनि हुनेछ । अपडेटपछि प्रयोगकर्ताहरूले फेसबूक र इन्स्टाग्रामका नोटिफिकेसनलाई आठ घन्टासम्म म्युट गर्न सक्छन् । यो अपडेट एन्ड्रोइड र आईओएस दुवै प्लेटफर्मका लागि उपलब्ध हुनेछ ।
एजेन्सी
