कात्तिक २०, २०८०
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
असोज १२, २०७५
काठमाडौं – संसदीय सुनुवाइ विशेष समितिबाट सर्वोच्च अदालतको प्रधानन्यायाधीशमा अस्वीकृत न्यायाधीश दीपकराज जोशीविरुद्ध महाअभियोग लगाउन भन्दै गएको असोज ४ गते सत्तारुढ नेकपाका सांसदहरूको हस्ताक्षर संकलन गरियो ।
प्रधानन्यायाधीशमा अस्वीकृत जोशीलाई राजीनामाका लागि बाध्य तुल्याउन नेकपाका सांसदहरूले हस्ताक्षर संकलन शुरू गरेको सन्देश जोशीलाई पठाए । तर जोशीले राजीनामा नगर्ने बताए ।
महाअभियोग प्रस्तावका लागि आवश्यक एक चौथाइभन्दा बढी सांसदको हस्ताक्षर संकलन भएपनि आजसम्म महाअभियोग प्रस्ताव दर्ता गरिएको छैन । यसअघि संसदमा दर्ता भएका महाअभियोग प्रस्ताव गुपचुपमा हस्ताक्षर गरेर गरिएको थियो ।
जोशीविरुद्ध महाअभियोग प्रस्ताव दर्ता गराउनका लागि हस्ताक्षर संकलन गर्ने समयमा हल्ला गरियो । महाअभियोगका लागि हस्ताक्षर संकलन भएको कुरा समाचारमा आएपछि असोज ७ गतेको राष्ट्रियसभा बैठकमा नेपाली कांग्रेसका सांसद राधेश्याम अधिकारीले प्रश्न उठाए । उनले महाअभियोग लगाएर कांग्रेसले जस्तो गल्ती नगर्न पनि नेकपालाई सुझाव दिए ।
किन पछि हट्यो नेकपा ?
न्यायाधीश जोशीविरुद्ध खाली कागजमा गरिएका हस्ताक्षर उनलाई राजीनामा गर्नका लागि बाध्य पार्ने कोसिस रहेको प्रमुख प्रतिपक्षी दल नेपाली कांग्रेसको बुझाइ छ ।
सर्वोच्च अदालतलाई पार्टीको कार्यालय बनाउन लागिएको भन्दै प्रतिपक्षी दलले विरोध गरेपछि सो प्रस्ताव अहिले सेलाएको छ । नेपाली कांग्रेस मात्र होइन राजपाले समेत महाअभियोग प्रस्तावको विरोध गर्यो । राष्ट्रिय सभाको बैठकका राजपाका वृषेशचन्द्र लालले संसदीय सर्वोच्चचा स्वीकार गरिसकेका जोशीलाई किन महाअभियोग लगाउनुपर्यो भन्दै प्रतिप्रश्न गरे ।
बिहीवार संसदको वर्षे अधिवेशन अन्त्य भएसँगै महाअभियोगको प्रसंग सेलाएको छ । अब महाअभियोग प्रस्ताव दर्ता गरेर जोशीलाई निलम्बन गर्न सकिएपनि संसदीय प्रक्रिया अघि बढ्न भने संसदको हिउँदे अधिवेशन कुर्नुपर्छ । हिउँदे अधिवेशन मंसिर दोस्रो सातामात्रै शुरू हुनेछ ।
आँखा र दाँतको उपचार गर्न घर बसेको छु : जोशी
महाअभियोगको हल्ला चलेपछि न्यायाधीश जोशी घर बिदामा बसे । यसअघि संसदीय सुनुवाइ समितिले अस्वीकृत गरेपछि महिनादिन लामो बिदा बसेका जोशी सर्वोच्चमा ओमप्रकाश मिश्र नयाँ प्रधानन्यायाधीश बनेर आएपछि हाजिर भएका थिए ।
जोशी अदालतमा हाजिर भएर इजलास समेत पाएपछि नेकपाका केही सांसदहरूले महाअभियोगका लागि हस्ताक्षर संकलन गरेका थिए । बाहिरचाहिँ जोशीले राजीनामा दिन्छन्, भन्ने हल्ला चल्यो ।
तर उपचारका लागि घर बिदामा बसेका जोशीले मंगलवारदेखि फेरि अदालतमा हाजिर हुने बताएका छन् ।
‘आँखा र दाँतमा समस्या देखिएपछि इलाजको लागि बसेको हुँ,’ न्यायाधीश जोशीले शुक्रवार लोकान्तरसँग भने, ‘अहिले दाँतको उपचार भएको छ । डाक्टरले सोमवारसम्म ठीक हुन्छ भनेका छन् ।’
जोशीले आफू कसैको दबाबमा घर बिदामा नबसेको बताए । उनले स्वास्थ्य उपचार गरेपछि अदालत फर्किने जानकारी दिए ।
आइतवार ( असोज ७ गते) सर्वोच्चमा इजलास हेरेका जोशी त्यसपछि बिदामा छन् । बिदामा बसेका जोशीलाई बिहीवार बसेको न्यायपरिषद् र न्याय सेवा आयोगको बैठकमा समेत बोलाइएन । सर्वोच्च अदालतका वरिष्ठतम् न्यायाधीशको हैसियतमा जोशी न्याय परिषद् र न्याय सेवा आयोगका सदस्य हुन् ।
जोशीले न्याय परिषद् र न्याय सेवा आयोगको बिहीवार बसेको बैठकबारे आफूलाई कसैले जानकारी नदिएको बताए । परिषद् र आयोगको बैठकमा अनुपस्थितिबारे लोकान्तरको जिज्ञासमा जोशीले भने, ‘मलाई कसैले खबर गरेनन् । खबर नआएपछि कसरी उपस्थित हुने ?’
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...