काठमाडौं – पेरुको राजधानी लिमामा दुईतल्ले एक बसमा आगो लागेपछि कम्तीमा २० जना मारिएको अधिकारीहरूले जनाएका छन् । 

आइतवार भएको उक्त घटनामा कम्तीमा आठजना घाइते भएका छन् । बसबिसौनीमा उभिएको बसमा अचानक आगो लागेको थियो । 

प्रत्यक्षदर्शीहरूका अनुसार, आगो बसको पछिल्तिर भागबाट लाग्न शुरू भएको थियो र तत्कालै फैलियो । 

मारिएकामध्ये अधिकांश बसको माथिल्लो तल्लामा रहेको अधिकारीहरूले जनाएका छन् । 

बसमा कतिजना सवार थिए भन्ने स्पष्ट हुन सकेको छैन । 

बसमा आगो निभाउने कुनै साधन नभएको अधिकारीहरूको भनाइ छ । 

बस उत्तरी शहर चिकलायोतर्फ जाँदै थियो । 

एजेन्सी